చైనాలో శ్రీదేవి 'మామ్'

కూతురుపై జరిగిన అఘాయిత్యానికి తల్లి పడే ఆవేదన కోపంగా మారితే ఎలా ఉంటుందో మామ్ చిత్రంలో కళ్లకు కట్టారు దర్శకుడు రవి ఉదయవార్

శ్రీదేవి నటించిన ఆఖరి చిత్రం మామ్. 2017లో విడుదలైన ఈ సినిమా మంచి విజయాన్ని అందుకుంది. తాజాగా ఈ చిత్రం చైనాలో విడుదల కానుంది. మార్చి 22న మామ్ చిత్రం డ్రాగన్ ప్రేక్షకుల ముందుకు వెళ్లనున్నట్లు ప్రముఖ సినీ విశ్లేషకుడు తరణ్ ఆదర్శ్ తన ట్విట్టర్​లో పంచుకున్నారు. సినిమాకు సంబంధించిన చైనా పోస్టర్​ను చిత్రబృందం విడుదల చేసింది.

శ్రీదేవి

కూతురుపై జరిగిన అఘాత్యానికి తల్లి పడే ఆవేదన కోపంగా మారితే ఎలా ఉంటుందో కళ్లకు కట్టారు దర్శకులు. బాలీవుడ్​లో ఈ చిత్రం మంచి విజయాన్ని అందుకోవడమే కాకుండా శ్రీదేవికి జాతీయ పురస్కారాన్ని తీసుకొచ్చింది.

శ్రీదేవి, నవాజుద్దీన్ సిద్దీఖీ, అక్షయ్ ఖన్నా ప్రధాన పాత్రలు పోషించిన ఈ చిత్రం 2017 జులైలో విడుదలైంది. రవి ఉదయవార్ దర్శకత్వం వహిచిన ఈ సినిమాను సునీల్ మన్​చందా, బోనీ కపూర్, నరేశ్ అగర్వాల్​లు నిర్మించారు.