నింగికేగిన ప్రేమపావురం

ప్రేమపావురాలు, ప్రేమాలయం, ప్రేమానురాగం, ప్రేమలీల లాంటి అనువాద చిత్రాలతో తెలుగులోనూ గుర్తింపు తెచ్చుకున్నారు బాలీవుడ్​ నిర్మాత రాజ్​కుమార్.

ప్రముఖ బాలీవుడ్ నిర్మాత రాజ్ కుమార్ బర్జాత్యా ముంబయిలో నేడు తుది శ్వాస విడిచారు. అనారోగ్యంతో రిలయన్స్​ ఆసుపత్రిలో చేరిన ఆయన ఉదయం మరణించారు. రాజశ్రీ ఫిల్మ్ ప్రొడక్షన్స్ పేరుతో హిందీలో మైనే ప్యార్​ కియా(ప్రేమ పావురాలు), హమ్ ఆప్ కే హే కౌన్(ప్రేమాలయం), వివాహ్(వివాహం), ప్రేమ్ రతన్ ధన్ పాయో(ప్రేమలీల) వంటి హిట్​ చిత్రాలను నిర్మించారు.

తండ్రి నిర్మాత... కొడుకు డైరెక్టర్​
రాజ్​కుమార్ బర్జాత్యా చిత్రాలు హిందీతో పాటు తెలుగులోనూ అనువాదమై మంచి విజయాన్ని సాధించాయి. రాజ్​కుమార్​ నిర్మించిన సినిమాలకు ఆయన కుమారుడు సూరజ్ బర్జాత్యానే దర్శకత్వం వహించాడు. కుటుంబ కథాచిత్రాలతో సినీ ప్రియులను విశేషంగా ఆకట్టుకున్నారు రాజ్ కుమార్.