'మహానాయకుడా..జోహార్లు'

'ఎన్టీఆర్ మహానాయకుడు' చిత్రం ముందస్తు ప్రదర్శనను సినీ ప్రముఖులు తిలకించారు. అద్భుతంగా ఉందంటూ చిత్రబృందానికి అభినందనలు తెలిపారు.

నందమూరి తారక రామారావు సినీ, రాజకీయ జీవితాన్ని ఆవిష్కరిస్తూ ఆయన కుమారుడు బాలకృష్ణ నిర్మించి, ప్రధాన పాత్రలో నటించిన చిత్రం ఎన్టీఆర్. క్రిష్ జాగర్లమూడి దర్శకత్వంలో రెండు భాగాలుగా తెరకెక్కిందీ చిత్రం. ఎన్టీఆర్​ రాజకీయ ప్రస్థానంపై తీసిన రెండో భాగం 'మహానాయకుడు' సినిమా ఈరోజు ప్రపంచ వ్యాప్తంగా ప్రేక్షకుల ముందుకొచ్చింది.

ఈ సందర్భంగా హైదరాబాద్ లోని ఏఎంబీ సినిమాస్​లో గురువారం ముందస్తు ప్రదర్శన ఏర్పాటు చేశారు. నందమూరి కుటుంబ సభ్యులతోపాటు పలువురు సినీప్రముఖులు చిత్రాన్ని తిలకించారు. సినిమా అద్భుతంగా ఉందంటూ చిత్ర బృందాన్ని అభినందించారు. ఎన్టీఆర్ ఆదర్శ జీవితాన్ని, కృషిని భావితరాలకు చూపించాలనే ఉద్దేశంతోనే ఈ చిత్రాన్ని నిర్మించినట్లు బాలకృష్ణ తెలిపారు.