తీవ్రవాద స్థావరాలపై భారత వాయుసేన జరిపిన దాడులపై నెటిజన్లు ప్రశంసల వర్షం కురిపిస్తున్నారు. వైమానిక దళం, మోదీని అభినందిస్తూ సర్జికల్ స్టైక్ 2.0 అంటూ సామాజిక మాధ్యమాల్లో మెసేజ్లు వెల్లువెత్తుతున్నాయి.
బాలీవుడ్లో వాస్తవ సంఘటనల ఆధారంగా తీసిన సినిమాలు ఘనవిజయం సాధిస్తున్నాయి. పాకిస్థాన్పై భారత ఆర్మీ జరిపిన మెరుపు దాడుల నేపథ్యంలో తెరకెక్కిన 'ఉరి' సినిమా బాక్సాఫీస్ 200కోట్లకు పైగా కలెక్షన్లతో సాగుతోంది.
విక్కీ కౌశల్, యామీ గౌతమ్ ప్రధాన పాత్రలు పోషించిన ఈ చిత్రానికి ఆదిత్య ధర్ దర్శకత్వం వహించారు. జనవరి 11న విడుదలైన ఈ సినిమాకు ఇంకా ఆదరణ తగ్గలేదు.
పుల్వామా దాడికి ప్రతీకారంగా భారత వాయుసేన జరిపిన దాడులను దేశవ్యాప్తంగా అన్ని వర్గాల ప్రజలు అభినందిస్తున్నారు. ఈ ఎయిర్ స్ట్రైక్ నేపథ్యంలో ఉరి సినిమాకు సీక్వెల్ దొరికినట్టైంది. వాయుసేన జరిపిన దాడుల నేపథ్యంలో మరో సినిమా వచ్చే అవకాశం లేకపోలేదని అంటున్నాయి సినీ వర్గాలు.