ధైర్యం నేర్పిన అక్షయ్​

అక్షయ్ కుమార్ ప్రముఖ బాలీవుడ్ నటుడే కాదు మంచి మార్షల్ ఆర్ట్స్​ కళాకారుడుగానూ పేరుంది. ఇవే పాఠాలను విద్యార్థులకు నేర్పుతున్న వీడియో ఒకటి సోషల్​మీడియాలో చక్కర్లు కొడుతోంది.

బాలీవుడ్​ స్టార్ హీరో అక్షయ్​ కుమార్ స్కూల్ విద్యార్థినులకు ఆత్మరక్షణ పాఠాలు నేర్పించాడు. ఠానేలోని ఓ పాఠశాలలో వివిధ పాఠశాలలకు చెందిన 2వేల మంది అమ్మాయిలు పాల్గొన్నారు. అక్షయ్​కుమార్ పాఠాలు నేర్పిస్తున్న వీడియో నెట్టింట వైరలైంది.

• మహిళా సమస్యలపై ప్యాడ్​మాన్​ చిత్రంతో మంచి ప్రశంసలు అందుకున్న ఈ నటుడు... ఈ విధంగా సామాజిక అంశాలపై ముందుకు రావటం పట్ల అభిమానులు సంతోషం వ్యక్తం చేస్తున్నారు. నిజానికి ప్యాడ్​ మాన్​ వంటి చిత్రం తరవాతే... సమాజంలో నెలసరి సమస్యలపై మాట్లాండేదుకు మహిళలు ధైర్యం చేస్తున్నారు. ఎన్నో అవగాహన కార్యక్రమాలు కల్పించి ఆ సినిమా ఎంతో మందిలో ఆత్మస్థైర్యం నింపింది.