రామసుబ్బారెడ్డికి తెదేపా కార్యకర్తల ఘన స్వాగతం

మాజీ మంత్రి రామసుబ్బారెడ్డికి... కడప జిల్లా గుండ్లకుంటలో కార్యకర్తలు ఘనస్వాగతం పలికారు. ఓ హత్య కేసు నుంచి బయటపడిన తమ నాయకుడికి శుభాకాంక్షలు తెలిపారు.

మాజీ మంత్రి , తెదేపా సీనియర్ నాయకుడు పొన్నపు రెడ్డి రామ సుబ్బారెడ్డికి కార్యకర్తలు ఘన స్వాగతం పలికారు. ఇటీవల షాద్ నగర్ జంట హత్య కేసుకు సంబంధించి.. సుప్రీంకోర్టు ఆయనను నిర్దోషిగా తేలుస్తూ కేసు కొట్టివేసింది. సుమారు 29 ఏళ్లపాటు ఈ హత్య కేసు విచారణ కొనసాగింది. చివరకు ఆ కేసును సుప్రీం ధర్మాసనం కొట్టివేయగా... రామసుబ్బారెడ్డికి ఊరట కలిగింది. దిల్లీ నుంచి ఆయన స్వగ్రామమైన... కడప జిల్లా పెద్దముడియం మండలం గుండ్లకుంటకు చేరుకున్నారు. తెదేపా కార్యకర్తలు, అభిమానులు ఆత్మీయ స్వాగతం పలికారు. ఆయనకు శుభాకాంక్షలు తెలియజేశారు.

ఇదీ చదవండి: పులివెందులలో ఎంపీ అవినాష్ రెడ్డి ప్రజాదర్బార్