ద్వారకా తిరుమలలో భవన నిర్మాణ కార్మికుల ధర్నా

భవన నిర్మాణ కార్మికుల సంక్షేమ బోర్డు రక్షణకై రాష్ట్రవ్యాప్తంగా చేస్తున్న ధర్నాలో ద్వారకా తిరుమలలో ఉన్న కార్మికులు పాల్గొన్నారు. నగరంలోని వైఎస్​ రాజశేఖర్​ రెడ్డి విగ్రహం వద్దకు చేరుకుని దివంగత నేతకు వినతిపత్రం ఇచ్చారు.

ద్వారకా తిరుమలలో భవన నిర్మాణ కార్మికులు శుక్రవారం ధర్నా చేపట్టారు. రాష్ట్రవ్యాప్తంగా నిరసనలో భాగంగా ఈ కార్యక్రమం నిర్వహించారు. కార్మిక సంక్షేమ పథకాలను రద్దు చేసినందుకు సంబంధిత జీవో పేపర్లను కార్మికులు దగ్ధం చేశారు. సంక్షేమ బోర్డులో సంక్షేమ పథకాలను కొనసాగించాలని నినాదాలు చేశారు. అనంతరం నగరంలో ఉన్న వైఎస్​ రాజశేఖర్​ రెడ్డి విగ్రహం వద్దకు చేరుకున్నారు. ఆయన ప్రవేశపెట్టిన కార్మిక సంక్షేమ బోర్డు సంక్షేమ పథకాలను ముఖ్యమంత్రి జగన్​ దారి మళ్లిస్తున్నారంటూ నాయకులు వాపోయారు. అనంతరం వైఎస్​ విగ్రహానికి వినతి పత్రం సమర్పించారు.

ఇదీ చదవండి :

'ఆదుకోవాల్సిన ప్రభుత్వమే నిధులను పక్కదారి పట్టిస్తుంది’