ఇంకా ఎన్నాళ్లు మాకు ఈ తప్పని 'డోలీ' తిప్పలు
పాలకులు మారినా... ప్రభుత్వాలు మారినా తమ సమస్యలు తీర్చేవారే కరవయ్యారని విజయనగరం జిల్లా కురుపాం నియోజకవర్గం వాసులు ఆవేదన వ్యక్తం చేస్తున్నారు. మొన్న మహిళకు పురిటి నొప్పి రావటంతో డోలీలో దిగువ గుణద వరకు తీసుకొచ్చిన గ్రామస్థులు... నిన్న గిరిజన వ్యక్తిని వైద్యం కోసం పాలెం పంచాయతీ కుస్తూరు గ్రామం నుంచి పూజారిగూడ గ్రామం వరకు వైద్యం కోసం డోలీలో తీసుకువచ్చారు. గిరిజనులమని పేర్లు చెప్పుకుని గెలుస్తున్న నేతలు... తర్వాత తమను పట్టించుకోవట్లేదని ఆవేదన వ్యక్తం చేస్తున్నారు. అధికారుల వెంటనే స్పందించి గిరిజన గ్రామాలకు రోడ్డు సౌకర్యం కల్పించి... డోలీ కష్టాలు తప్పించాలని ప్రజలు వేడుకుంటున్నారు.