'తెదేపాను తుడిచిపెట్టాలంటే.. జగన్​కు నిమిషం చాలు'

శాసనసభ స్పీకర్​ను తెదేపా జాతీయ ప్రధాన కార్యదర్శి నారా లోకేశ్ విమర్శించడంపై దేవాదాయశాఖ మంత్రి వెల్లంపల్లి మండిపడ్డారు. తెలుగుదేశం పార్టీపై విమర్శలు గుప్పించారు.

స్పీకర్​ తమ్మినేని సీతారాంకి నారా లోకేశ్ బహిరంగ లేఖ రాయడంపై మంత్రి వెల్లంపల్లి స్పందించారు. లోకేశ్ మాటలు దెయ్యాలు వేదాలు వల్లించినట్లు ఉందని విమర్శించారు. విజయనగరంలో నారెడ్కో ప్రాపర్టీ షో-2019 ప్రారంభోత్సవం అనంతరం మీడియాతో మంత్రి మాట్లాడారు. తెదేపా అధికారంలో ఉన్నప్పుడు వైకాపా శాసనసభ్యులను పెద్ద ఎత్తున కొనుగోలు చేసినా.. అప్పటి స్పీకర్ పట్టించుకోలేదని ఆరోపించారు. ప్రస్తుతం విలువలతో కూడిన రాజకీయం చేస్తున్నా.. విమర్శించడం సరికాదన్నారు. తెదేపా నాయకులు స్పీకర్​ను విమర్శించటం హాస్యాస్పదంగా ఉందన్నారు. జగన్ తలుచుకుంటే తెదేపా నాయకులంతా వైకాపాలోకి వస్తారని పేర్కొన్నారు.

ఇదీ చదవండి: 'తొలిదశలో 1 నుంచి 6వ తరగతి వరకే ఆంగ్లమాధ్యమం'