కర్నూలు జిల్లా మహానంది మండలం గాజులపల్లి గ్రామంలో పురాతన వస్తువులు బయటపడ్డాయి. గ్రామానికి చెందిన కరీం బాషా అనే వ్యక్తి.. మొక్కలు నాటేందుకు గుంత తవ్వుతుండగా కత్తి, హస్తం, గుర్రం వస్తువులు లభ్యమయ్యాయి. విషయం తెలుసుకున్న గ్రామస్థులు ఆ వస్తువులను చూసేందుకు తరలివచ్చారు.
మహానంది ఇంఛార్జి తహశీల్దార్ నారాయణ రెడ్డి, గ్రామీణ పోలీసు స్టేషన్ సీఐ రవీంద్ర.. సంఘటనా స్థలానికి చేరుకుని విచారణ చేపట్టారు. మొహరం పర్వదినం సమీపిస్తున్న తరుణంలో.. ఈ వస్తువులు లభించడం ప్రత్యేకత సంతరించుకుంది.