గుర్తు తెలియని వ్యక్తుల దాడిలో యువతి మృతి గుంటూరు జిల్లా మంగళగిరి మండలం బేతపూడి వద్ద గుర్తుతెలియని వ్యక్తుల దాడిలో తాడేపల్లికి చెందిన యువతి మృతి చెందింది. తాడేపల్లి మహానాడు ప్రాంతానికి చెందిన శ్రీనివాస్, జ్యోతి గత ఐదేళ్లుగా ప్రేమించుకుంటున్నారు. సోమవారం సాయంత్రం... బేతపూడి వద్ద నిర్మానుష్య ప్రాంతానికి ఇద్దరూ వెళ్లారు. అక్కడికి వచ్చిన గుర్తుతెలియని నలుగురు వ్యక్తులు వీళ్లపై దాడిచేసినట్లు పోలీసులు వెల్లడించారు. ఈ దాడిలో జ్యోతి అక్కడికక్కడే ప్రాణాలు కోల్పోగా... శ్రీనివాస్ తలపై బలమైన గాయం తగిలింది. దాడి ఎందుకు జరిగిందన్న కోణంలో పోలీసులు విచారిస్తున్నారు.
