మరబోటు ద్వారా మద్యం అక్రమ రవాణా... ఇద్దరు అరెస్టు

కృష్ణా నది గుండా మరబోటులో అక్రమంగా తరలిస్తున్న మద్యం సీసాలను గుంటూరు జిల్లా చింతర్యాల రేవు వద్ద ఎన్​ఫోర్స్​మెంట్ అధికారులు పట్టుకున్నారు. తెలంగాణ నుంచి మద్యం తరలిస్తున్నట్లు గుర్తించి ఇద్దరు వ్యక్తులను అదుపులోకి తీసుకున్నారు.

తెలంగాణ నుంచి కృష్ణా నది గుండా అక్రమంగా తరలిస్తున్న మద్యం సీసాలను గుంటూరు జిల్లా చింతర్యాల రేవు వద్ద అధికారులు పట్టుకున్నారు. మద్యం అక్రమంగా సరఫరా అవుతుందన్న సమాచారం మేరకు దాడులు నిర్వహించిన ఎన్​ఫోర్స్​మెంట్ అధికారులు... మరబోటులో తరలిస్తున్న 200 మద్యం సీసాలను స్వాధీనం చేసుకున్నారు. ఇద్దరు వ్యక్తులను అదుపులోకి తీసుకొని బోటును సీజ్ చేశారు.