ఎమ్మెల్యే కాన్వాయ్​ను అడ్డుకున్న విద్యార్థులు... ఎందుకంటే..!

ఫీజు రీయింబర్స్​మెంట్​ బకాయిలు చెల్లించాలని నరసరావుపేటలో విద్యార్థులు భారీ ర్యాలీ నిర్వహించారు. ప్రభుత్వం తక్షణమే బకాయిలు చెల్లించకపోతే పెద్ద ఎత్తున ఉద్యమిస్తామని వారు హెచ్చరించారు.

ఫీజు రీయింబర్స్​మెంట్​ బకాయిలు వెంటనే చెల్లించాలని గుంటూరు జిల్లా నరసరావుపేటలో విద్యార్థులు ర్యాలీ నిర్వహించారు. ఏఎస్​ఎఫ్ఐ ఆధ్వర్యంలో నిర్వహించిన ర్యాలీలో వివిధ కళాశాలలకు చెందిన విద్యార్థులు భారీ ఎత్తున పాల్గొన్నారు. ప్రధాన రహదారిపై ర్యాలీ నిర్వహిస్తుండగా ఎమ్మెల్యే గోపిరెడ్డి శ్రీనివాసరెడ్డి కాన్వాయ్​ రావటంతో ఎమ్మెల్యేను అడ్డగించి స్కాలర్​షిప్​ బకాయిలను చెల్లించాలని వినతి పత్రం అందజేశారు. అనంతరం ఆర్డీఓ కార్యాలయానికి ర్యాలీగా వెళ్లి ఆర్డీఓకు వినతిపత్రం అందజేశారు. ప్రభుత్వం తక్షణమే బకాయిలు చెల్లించకపోతే పెద్ద ఎత్తున ఉద్యమిస్తామని వారు హెచ్చరించారు.

ఇదీ చదవండి: రాష్ట్ర ​ప్రభుత్వానికి నారా లోకేశ్ బహిరంగ సవాల్