జేఎన్​టీయూ కళాశాల భవనాలకు భూమిపూజ చేసిన ఎమ్మెల్యే గోపిరెడ్డి శ్రీనివాసరెడ్డి

జేఎన్​టీయూ నూతన కళాశాల భవనాలకు ఎమ్మెల్యే గోపిరెడ్డి శ్రీనివాసరెడ్డి భూమిపూజ చేశారు. గుంటూరు జిల్లా నరసారావుపేట మండలం కాకాని గ్రామం వద్ద కొత్త క్యాంపస్​ నిర్మించనున్నారు.

నరసరావుపేట మండలం కాకాని గ్రామం వద్ద నూతనంగా నిర్మించనున్న జేఎన్​టీయూ కళాశాల భవనానికి ఎమ్మెల్యే గోపిరెడ్డి శ్రీనివాసరెడ్డి భూమిపూజ చేశారు. ఈ కార్యక్రమంలో రాష్ట్ర ఉన్నత విద్యాశాఖ ఛైర్మన్ కె.హేమచంద్రారెడ్డి పాల్గొన్నారు. విద్యార్థిని, విద్యార్థులకు వేర్వేరుగా వసతి గృహాలు ఉంటాయని చెప్పారు. అధునాతన రీతిలో తరగతి గదులు నిర్మిస్తారన్నారు. కళాశాల ప్రాంగణంలోని ఐదెకరాల్లో స్కిల్​ డెవలప్​మెంట్​ కార్పొరేషన్​ సెంటర్​ ఏర్పాటు చేస్తున్నామని తెలిపారు.

ముఖ్యమంత్రి ఆదేశాలతో నరసారావుపేటలో జేఎన్​టీయూ కళాశాల నిర్మాణం అధునాతన రీతిలో చేపట్టటం సంతోషంగా ఉందన్నారు. ఫ్యాకల్టీని ఏర్పాటు చేసి.. నాణ్యతతో కూడిన విద్యను అందించాలన్నారు. మిగతా ఇంజనీరింగ్​ కళాశాలకు ధీటుగా జేఎన్​టీయూ కాలేజీని నడపాలని చెప్పారు. ఈ కార్యక్రమంలో కాలేజీ ఉపాధ్యాయులు, సిబ్బంది పాల్గొన్నారు.

ఇదీ చదవండి: ఘరానా దొంగలను పట్టుకున్న పోలీసులు