4 నెలలకోసారి జీతాలు... భద్రత లేని జీవితాలు

4 నెలలుగా జీతం ఇవ్వడం లేదని గుంటూరు ప్రభుత్వ ఆసుపత్రి భద్రతా సిబ్బంది ఆందోళనకు దిగారు. జిల్లా పరిషత్ కార్యాలయ అధికారులకు తమ మొర వినిపించేందుకు నిరసన చేపట్టారు.

గుంటూరు ప్రభుత్వ ఆసుపత్రి భద్రతా సిబ్బంది విధులు బహిష్కరించారు. జీతాల కోసం ఆందోళన బాట పట్టారు. తమకు 3 నెలలుగా ఉన్నతాధికారులు జీతాలు చెల్లించడం లేదని జిల్లా పరిషత్ కార్యాలయం వద్ద నిరసనకు దిగారు. ఓ స్థానిక సంస్థ ద్వారా తాత్కాలిక ఉద్యోగులుగా నియమితులైన తమకు గత మూడు నెలలుగా వేతనాలు ఇవ్వడంలేదని వాపోయారు. చాలీచాలని జీతాలతో బతికే తమకు...4 నెలలకు, 6 నెలలుకు ఒకోసారి వేతనం ఇస్తే ఎలా అని ఆవేదన వ్యక్తం చేశారు. తమ సమస్యలను జిల్లా పరిపాలనాధికారులు తక్షణమే పరిష్కరించాలని వేడుకున్నారు.

ఇదీ చదవండి : గుంతలో పడిన గోమాత..ప్రొక్లైన్ సాయంతో బయటకు