LORRY ACCIDENT : లోయలో పడ్డ లారీ...క్యాబిన్​లో చిక్కుకున్న డ్రైవర్

Lorry Accident : చిత్తూరు జిల్లా భాకరాపేట కనుమదారిలో ప్రమాదం జరిగింది. మూలమలుపు వద్ద ద్విచక్రవాహనాల పరికరాలతో వెళ్తున్న లారీ...అదుపుతప్పి లోయలో పడింది.

Lorry Accident : చిత్తూరు జిల్లాలోని చంద్రగిరి మండలం భాకరాపేట కనుమదారిలో రోడ్డు ప్రమాదం జరిగింది. తిరుపతి- అనంతపురం జాతీయ రహదారిపై ఈ ఘటన జరిగింది. హోసూర్ నుంచి స్కూటర్ విడివిభాగాలను చెన్నైకు రవాణా చేస్తున్న లారీ.. అదుపుతప్పి లోయలో పడింది. ఈ ఘటనలో వాహన డ్రైవర్ క్యాబిన్​లో చిక్కుకున్నాడు.

సమాచారం అందుకున్న చంద్రగిరి పోలీసులు...సంఘటన స్థలానికి చేరుకున్నారు. లారీ క్యాబిన్​లో చిక్కుకున్న డ్రైవర్​ను బయటకు తీశారు. వైద్య చికిత్స నిమిత్తం 108లో తిరుపతి రుయా ఆసుపత్రికి తరలించారు. అతివేగమే ఈ ప్రమాదానికి కారణమని సీఐ శ్రీనివాసులు ప్రాథమిక విచారణలో తెలిపారు. ఈ ప్రమాదంపై కేసు నమోదు చేసినట్లు తెలిపారు.

ఇదీచదవండి.