మోదీతో ఎంపీలు భేటీ... భవిష్యత్తుపై చర్చ

తెదేపా నుంచి భాజపాలో చేరిన రాజ్యసభ సభ్యులు ప్రధాని మోదీని కలిశారు. ఆంధ్రప్రదేశ్​లో రాజకీయ పరిణామాల గురించి మోదీ ఆరా తీసినట్టు సమాచారం.

దిల్లీలో భాజపా అనుకూల రాజకీయ పరిణామాలు కొనసాగుతున్నాయి. ఇటీవలే.. అనూహ్య ఆధిక్యంతో వరుసగా రెండోసారి అధికారాన్ని చేపట్టిన భాజపా.. మరింత బలపడేలా ప్రయత్నాలు చేస్తోంది. ఈ మేరకు తెదేపా నుంచి కమలం గూటికి చేరిన ఎంపీలు సుజనాచౌదరి, సి.ఎం.రమేష్, టీజీ వెంకటేష్​లు ప్రధాని మోదీని మర్యాద పూర్వకంగా కలిశారు. భవిష్యత్‌ కార్యాచరణపై ప్రధాని మోదీతో 20 నిమిషాలపాటు నేతలు చర్చించారు. వారితోపాటు కేంద్ర హోంశాఖ సహాయమంత్రి కిషన్‌రెడ్డి ఉన్నారు.