బస్సు, కారు ఢీ.. ఒకరి మృతి
అనంతపురం జిల్లా మద్దలపల్లి గ్రామం ముచ్చుకోట కనుమ వద్ద రోడ్డు ప్రమాదం జరిగింది. ఎదురెదురుగా వచ్చిన కారు, బస్సు ఢీకొన్నాయి. కారులో ప్రయాణిస్తున్న ఇద్దరిలో విజయ్ కుమార్ అనే వ్యక్తి మృతి చెందాడు. బస్సులో ఉన్న ప్రయాణికుల్లో 10 మందికి గాయాలయ్యాయి. క్షతగాత్రులను అనంతపురం ప్రభుత్వ ఆసుపత్రికి తరలించారు. బస్సు తాడిపత్రి నుంచి అనంతపురం వెళ్తుండగా ఈ ఘటన జరిగింది. పోలీసులు కేసు నమోదు చేసుకుని దర్యాప్తు చేస్తున్నారు.