నేరేడ్కో ప్రాపర్టీ షోకు వేదికగా.. విశాఖ

నేషనల్ రియల్ ఎస్టేట్ డెవలప్​మెంట్ కౌన్సిల్ (నేరేడ్కో) ప్రాపర్టీ షోకు విశాఖ వేదిక కాబోతుంది. విశాఖ వి.కన్వెన్షన్ సెంటర్​లో వచ్చే నెల 20 నుంచి 22 వరకు ఈ ప్రదర్శన నిర్వహిస్తారు.

ఇప్పటి వరకు ప్రథమ శ్రేణి నగరాల్లోనే జరిగిన నేషనల్ రియల్ ఎస్టేట్ డెవలప్​మెంట్ కౌన్సిల్ (నేరేడ్కో) ప్రాపర్టీ షో... తొలి సారిగా విశాఖలో జరుగబోతోంది. ఇందుకు సంబంధించిన సన్నాహక కార్యక్రమం.. విశాఖలో నిర్వహించారు. నేరేడ్కో అధ్యక్షులు లహరి గ్రూప్ ఛైర్మన్ జి.హరిబాబు, ద్రోణంరాజు శ్రీనివాసరావు సంయుక్తంగా ఈ కర్టెన్ రైజర్ ప్రారంభించారు. విశాఖలో ఇలాంటి కార్యక్రమం వల్ల ఒకే చోట వినియోగదారులకు కావలిసిన గృహాలు, బ్యాంకు రుణాలు పొందే అవకాశం ఉందని అన్నారు. వచ్చే నెల నిర్వహించన్ను ఈ కార్యక్రమంలో... వివిధ గృహ నిర్మాణ వస్తు సంస్థలు అందుబాటులో ఉంటాయని తెలిపారు. ప్రాపర్టీ షో నిర్వహణతో విశాఖ వాసులకే కాకుండా... నగరాభివృద్ధికి దోహదపడుతుందని కార్యక్రమానికి హాజరైన ప్రజా ప్రతినిధులు అభిప్రాయపడ్డారు.