సెల్ టవర్ ఎత్తుతుండగా అదుపుతప్పిన క్రేన్.. తప్పిన పెను ప్రమాదం

విశాఖ గాజువాక గాంధీనగర్​లో ప్రమాదం జరిగింది. సెల్ టవర్ నిర్మిస్తుండగా క్రేన్ అదుపుతప్పడం వల్ల ఆ టవర్ నేలకొరిగి పక్కనే ఉన్న ఖాళీ స్థలంలో పడింది.

విశాఖ జిల్లా గాజువాక గాంధీనగర్​లో రెండు రోజులుగా ఓ మొబైల్ నెట్​వర్క్ చెందిన టవర్​ను నిర్మిస్తున్నారు. 60 అడుగుల ఎత్తుగల సెల్ టవర్​ను క్రేన్ సహాయంతో ఎత్తుతుండగా ప్రమాదవశాత్తు క్రేన్ అదుపుతప్పి పక్కకు ఒరిగింది. దీంతో టవర్ ఒక్కసారిగా పక్కనే ఉన్న ఖాళీ స్దలంలో పడిపోయింది. ఈ ఘటనలో పెనుప్రమాదం తప్పిందని.. మరోపక్కన పడిఉంటే ఆస్థి నష్టంతో పాటు ప్రాణ నష్టం కూడా జరిగి ఉండేదని స్టానికులు అంటున్నారు.

ఇదీ చూడండి:'దిల్లీ పర్యటన.. వ్యక్తిగత లాభం కోసమా ? రాష్ట్ర ప్రయోజనాల కోసమా?'