CBN FIRE: కుప్పంలో ఓ హోటల్‌పై వైకాపా కౌన్సిలర్ల దాడిని తెలుగుదేశం అధినేత చంద్రబాబు ఖండించారు. కుప్పంలో ఎప్పుడూ లేని దాడుల సంస్కృతిని వైకాపా తీసుకొచ్చిందని ధ్వజమెత్తారు. భోజనం అయిపోయిందని చెప్పిన హోటల్ సిబ్బందిపై.. వైకాపా నాయకులు దాడి చేయడం దారుణమన్నారు. ఫర్నిచర్ ధ్వంసం చేసి మహిళల్ని బెదిరించిన వారిపై తక్షణం చర్యలు తీసుకోవాలని చంద్రబాబు డిమాండ్ చేశారు. "హోటల్ తగలబెడతాం, నిర్వాహకుల్ని చంపేస్తాం అంటూ బెదిరిస్తుంటే.. పోలీసులు ఏం చేస్తున్నారు" అని నిలదీశారు. కఠిన చర్యలతో క్రిమినల్ కార్యకలాపాలకు ముగింపు పలకాల్సిన బాధ్యత పోలీసులపై ఉందని గుర్తు చేశారు. బాధిత కుటుంబానికి తెలుగుదేశం అండగా ఉంటుందన్నారు.
కుప్పంలో ఎన్నడూ లేని దాడుల సంస్కృతిని వైకాపా తీసుకొచ్చింది : చంద్రబాబు
CBN FIRE: కుప్పంలో ఎన్నడూ లేని దాడుల సంస్కృతిని వైకాపా తీసుకొచ్చిందని తెలుగుదేశం అధినేత చంద్రబాబు నాయుడు ధ్వజమెత్తారు. కుప్పంలో ఓ హోటల్‌పై వైకాపా కౌన్సిలర్ల దాడిని ఖండించారు.
కుప్పంలో ఎప్పుడూ లేని దాడుల సంస్కృతిని వైకాపా తీసుకొచ్చింది