రైతులకు నెలకు రూ.500 పెంపు ...?

రైతుల కోసం ప్రకటించిన ప్రధానమంత్రి కిసాన్​ సమ్మాన్​ నిధి ద్వారా రైతులకు ఇప్పుడు ప్రకటించిన రూ.6000 పెరిగే అవకాశం ఉందా? అంటే అవుననే సంకేతాలను ఇస్తోంది ప్రభుత్వం.

ప్రభుత్వ ఆదాయం పెరిగిన కొద్ది రైతులకు ఇచ్చే ఆర్థిక సాయాన్ని నెలకు రూ.500 మేర పెంచనున్నట్లు సంకేతాలిచ్చారు కేంద్ర మంత్రి అరుణ్​జైట్లీ. ఈ నిధులను రైతులకు ఆదాయం సమకూరేందుకు రాష్ట్రాలు అమలు చేస్తున్న వివిధ పథకాలకు జోడించి వాడుకోవచ్చన్నారు జైట్లీ.

కాంగ్రెస్​ అధ్యక్షుడు రాహుల్​ గాంధీపైనా విమర్శలు కురిపించారు జైట్లీ. పోటీ చేస్తున్నది కళాశాల ఎన్నికలకు కాదని రాహుల్​ గుర్తించాలన్నారు. జాతీయ స్థాయికి తగ్గట్టు ఆయన ప్రవర్తించాలని ఎద్దేవా చేశారు.

రైతులకు రోజుకు 17 రూపాయలు ఇవ్వటంపై ఇటీవల భారతీయ జనతా పార్టీని రాహుల్​ విమర్శించారు.

"యూపీఏ హయాంలో ప్రకటించిన రూ.70వేల కోట్ల రుణమాఫీలో వాస్తవంగా రూ. 52వేల కోట్ల మాత్రమే పంపిణీ జరిగింది. ఇందులో ఎక్కువ మొత్తం వ్యాపారులకు చేరి మోసంగా మారిందని కాగ్​ కూడా వెల్లడించింది. " -అరుణ్​ జైట్లీ