Published : Sep 26, 2024, 12:33 PM IST
ఏడు సర్జరీలు దాటి- రూ.7 కోట్ల ప్రశ్నకు తడబడి! KBCలో రూ.కోటి గెలుచుకున్న యువకుడు
KBC Season 16 One Crore Winner :కౌన్ బనేగా కరోడ్పతి 16వ సీజన్లో చంద్రప్రకాశ్(22) ఏకంగా రూ.కోటి గెలుచుకుని సంచలనం సృష్టించాడు. ఈ సీజన్లో రూ.కోటి గెలిచిన తొలి కంటెస్టెంట్ ఇతడే కావడం విశేషం. అయితే, రూ.7 కోట్ల ప్రశ్నకు కూడా సమాధానం తెలిసినప్పటికీ, రిస్క్ తీసుకోకుండా గేమ్ నుంచి క్విట్ అయ్యాడు. 22 ఏళ్ల ప్రకాశ్ స్వస్థలం జమ్ముకశ్మీర్. ప్రస్తుతం యూపీఎస్సీ పరీక్షలకు సిద్ధమవుతున్నాడు. చిన్నప్పటి నుంచి తాను ఎన్నో ఆరోగ్య సమస్యలను ఎదుర్కొన్నానని, పేగులో పూడిక కారణంగా ఇప్పటివరకు ఏడు సార్లు సర్జరీ చేయించుకున్నానని చెప్పాడు.