'రాష్ట్రం బాగుపడాలంటే కూటమి అధికారంలోకి రావడం ఒక్కటే పరిష్కారం' - NRI Yash Bopdduluri in TDP Campaign

NRI Yash Bopdduluri in TDP Campaign : రాష్ట్రం బాగుపడాలంటే కూటమి అధికారంలోకి రావడం ఒక్కటే పరిష్కారమని ప్రవాసాంధ్రుడు, టీడీపీ వాషింగ్టన్ ప్రాంతీయ సమన్వయకర్త యష్‌ బొద్దులూరి అన్నారు. రాష్ట్రాన్ని కాపాడుకునేందుకు అన్ని వర్గాల్లో చైతన్యం తెస్తున్నామని తెలిపారు. వివిధ దేశాల్లో స్థిరపడిన దాదాపు 10వేల మంది ప్రవాసాంధ్రులు ఇంటింటికీ వెళ్లి ప్రచారం చేస్తున్నట్లు  వివరించారు. చంద్రబాబు సీఎం అయితేనే యువతకు ఉద్యోగాలు, విద్యార్థులకు బంగారు భవిష్యత్తు ఉంటుందందని ధీమా వ్యక్తం చేశారు.     

ప్రపంచవ్యాప్తంగా ఉన్న ఆంధ్రప్రదేశ్‌కు చెందిన ప్రవాస భారతీయులు జన్మభూమికి వచ్చి విస్తృతంగా ప్రచారంలో పాల్గొంటున్నామని చెప్పారు. రాష్ట్ర భవిష్యత్తు కోసం చంద్రబాబునాయుడు నాయకత్వం ముందుకు తీసుకెళ్లేందుకు రెండు మాసాలపాటు సెలవు పెట్టి వచ్చానన్నారు. అత్యంత కీలకమైన ఈ ఎన్నికల్లో చంద్రబాబు ముఖ్యమంత్రి అయితేనే రాజధాని అమరావతి పూర్తి కావడంసహా రాష్ట్రానికి కొత్త పరిశ్రమలు వచ్చి యువతకు ఉద్యోగాలు, రైతులకు మంచి మేలు జరిగి ప్రజలకు భద్రత, భరోసా ఉంటుందందని అభిప్రాయం వ్యక్తం చేశారు.