Nothing Phone 3 Launch Date:నథింగ్ తన కొత్త స్మార్ట్ఫోన్ను లాంఛ్ చేసేందుకు రెడీ అయింది. గత కొన్ని రోజులుగా దీనిపై కంపెనీ చాలానే టీజర్లను రిలీజ్ చేస్తోంది. దీంతో త్వరలో ఈ స్మార్ట్ఫోన్ మార్కెట్లోకి రానున్నట్లు తెలుస్తోంది. ఈ నేపథ్యంలో కంపెనీ తాజాగా దీని కెమెరా మాడ్యూల్ను మొదటిసారి అధికారికంగా టీజ్ చేసింది. నథింగ్ తన సోషల్ మీడియా ప్లాట్ఫారమ్ ఎక్స్ వేదికగా 7 సెకన్ల వీడియోను పోస్ట్ చేసింది. దీనిలో తన అప్కమింగ్ ఫోన్ కెమెరా మాడ్యూల్ను చూపించింది.
ఈ పోస్ట్లో కంపెనీ 'పవర్ ఇన్ పెర్స్పెక్టివ్' అంటూ క్యాప్షన్ ఇచ్చింది. ఈ ట్యాగ్లైన్తో పాటు ఈ స్మార్ట్ఫోన్లాంఛ్ డేట్, టైమ్ను కూడా రాసుకొచ్చింది. ఈ పోస్ట్ ప్రకారం నథింగ్ తన అప్కమింగ్ స్మార్ట్ఫోన్ను మార్టి 4, 2025న భారత కాలమానం ప్రకారం మధ్యాహ్నం 3:30 గంటలకు లాంఛ్ చేయనుంది. అంటే నథింగ్ ఈ ఫోన్‌ను మొబైల్ వరల్డ్ కాంగ్రెస్ (MWC 2025)లో రిలీజ్ చేస్తుంది. అనంతరం భారత్తో సహా ఇతర దేశాల మార్కెట్లలోకి ఈ ఫోన్ ఎంట్రీ ఇవ్వనుంది.
టీజర్‌లో కొత్త కెమెరా మాడ్యూల్: కంపెనీ రిలీజ్ చేసిన ఈ టీజర్‌లో అప్కమింగ్ నథింగ్ ఫోన్ కెమెరా మాడ్యూల్ కనిపిస్తుంది. ఈ అప్కమింగ్ స్మార్ట్ఫోన్ను 'నథింగ్ ఫోన్ 3' పేరుతో రిలీజ్ కావచ్చు. టీజర్ను చూస్తే కంపెనీ ఈ అప్కమింగ్ ఫోన్‌లో సరికొత్త కెమెరా మాడ్యూల్ను అందించనున్నట్లు తెలుస్తోంది. గతేడాది కంపెనీ ప్రారంభించిన 'నథింగ్ ఫోన్ 2' మోడల్లో డ్యూయెల్ కెమెరాలతో నిలువుగా కెమెరా మాడ్యూల్ను అందించింది.
అయితే ఇప్పుడు దాని అప్కమింగ్ ఫోన్టీజర్‌లో నథింగ్ చూపించిన నిలువు కెమెరా మాడ్యూల్ను చూస్తే కంపెనీ తన తదుపరి ఫోన్‌లో రెండు కాకుండా మూడు కెమెరా మాడ్యూల్స్తో తీసుకురానున్నట్లు తెలుస్తోంది. గతేడాది లాంఛ్ చేసిన ఫోన్ మాదిరిగానే దీనికి టెలిఫోటో లెన్స్‌తో పాటు ప్రైమరీ కెమెరా, అల్ట్రా-వైడ్ కెమెరా లెన్స్ను అందించొచ్చు.