"ఛారిటీ జంబుల్‌ సేల్" పేరుతో ఏటా ఎగ్జిబిషన్‌ - అనాథలకు ఆసరాగా అతివల నిర్వహణ

Charity Jumble Sale Exhibition in Telangana : అనాథ శరణాలయాలకు, సేవాసంస్థలకు డబ్బులు సమకూర్చేందుకు ఆ అతివలు చేస్తున్న పనికి ఎవరైనా ఫిదా అవ్వాల్సిందే. హైదరాబాద్‌లోని సైనిక్‌పురి, వాయుపురికి చెందిన కొందరు మహిళలు 2016 నుంచి ఏటా "ఛారిటీ జంబుల్‌ సేల్" పేరుతో ఓ ఎగ్జిబిషన్‌ నడుపుతున్నారు. సేవాసంస్థలకు ఏదైనా సాయం చేయాలనే ఉద్దేశంతో, మొదలైన ఆలోచనకు వాలంటీర్‌ వ్యవస్థను సైతం సిద్ధం చేసుకున్నారు. ఇంట్లో ఉండే వాడని వస్తువులను సేకరిస్తున్న ఈ సంస్థ, వాటిని పేదలకు తక్కువ మొత్తానికే విక్రయించి వచ్చిన డబ్బును సేవాసంస్థలకు అప్పగిస్తున్నారు.

Charity Jumble Sale Exhibition in Telangana :హైదరాబాద్‌లోని సైనిక్‌పురి, వాయుపురికి చెందిన కొందరు మహిళలు ఓ బృందంగా ఏర్పడి "ఛారిటీ జంబుల్‌ సేల్" సంస్థ ద్వారా సేవాసంస్థలకు(Service Organizations) డబ్బులు సమకూర్చేందుకు పూనుకున్నారు. చాలామంది ఇళ్లలో వాడేసిన పాత వస్తువులను బయట పడేస్తుంటారు. అలాంటి వాటిని సేకరించి ఈ ఛారిటీ జంబుల్‌ సేల్‌లో తక్కువ ధరకు విక్రయిస్తున్నారు. అలా వచ్చిన డబ్బులను తమ లక్ష్యం కోసం ఉపయోగిస్తున్నారు.

ఈ ఛారిటీ జంబుల్‌ సేల్‌లో చిన్న పిల్లలు ఆడుకునే బొమ్మల దగ్గర నుంచి పుస్తకాలు, దుస్తులు, గృహోపయోకరణాలు లభిస్తున్నాయి. ఈ వస్తువులు అమ్మడం ద్వారా వచ్చిన డబ్బును అనాథ శరణాలయాలు(Orphanages), సేవాసంస్థలకు డొనేట్‌ చేస్తున్నారు. 2016 నుంచి ఏటా ఫిబ్రవరిలో ఓ రోజు ఈ ఛారిటీ జంబుల్‌ సేల్‌ దిగ్విజయంగా నడుస్తోంది. నగరవాసులు దీన్ని సందర్శించి అవసరమైన వస్తువులను కొనుక్కుంటున్నారు. ఇలాంటి కార్యక్రమాలు చేస్తూ తమ సంస్థను ముందుకు తీసుకెళ్లడం ఎంతో సంతోషంగా ఉందని నిర్వాహకులు చెబుతున్నారు.

"అందరం కలిసి ఒక టీంవర్క్​లా పనిచేస్తున్నాం. చాలామంది ఇక్కడ వస్త్రాలను కొనుగోలు చేస్తున్నారు. వీటి ద్వారా వచ్చిన డబ్బులను వృద్ధాశ్రమాలకు, అనాథ ఆశ్రమాలకు, బ్లైండ్​ పీపుల్స్​కు అందిస్తున్నాం. ఇది ఇలానే కొనసాగితే చాలా బాగుటుంది. మేము అన్ని ఇళ్ల నుంచి ఈ వస్తువులను సేకరించి, వాటికి మంచిగా తయారు చేసి ఒక నిర్దిష్ట ధరను కేటాయిస్తాం. ఇవన్నీ మాకు ఉచితంగానే లభిస్తాయి."-ఛారిటీ మెంబర్స్​

Charity Jumble Sale Program :తమకు కావాల్సిన అన్ని వస్తువులు తక్కువ ధరకే లభిస్తున్నాయని కొనుగోలు దారులు ఆనందం వ్యక్తం చేస్తున్నారు. ఇలాంటి మంచి కార్యక్రమంలో పాల్గొనడం ద్వారా తమకూ సేవాభావం(Sense of Service) పెరుగుతోందని చెబుతున్నారు. పేదరికం వల్ల వస్తువులు కొనలేనివారికి, సేవా సంస్థలకు ఉపయోగపడేలా డబ్బు డొనేట్‌ చేస్తున్న ఈ మహిళా బృందం సేవలు, పలువురికి ఆదర్శంగా నిలుస్తున్నాయి.

"ఛారిటీకి మా వంతు సహాయం అందించాలనే దృక్పథంతో , ఇక్కడ వస్తువులు కొనుగోలు చేస్తుంటాం. ఇక్కడ అన్ని ఐటెమ్స్ చాలా బాగుంటాయి. ప్రతి ఒక సంవత్సరం ఇక్కడకు వస్తాము. ఎంత తక్కువకు వస్తువులు అమ్మకాలు జరుపుతారంటే, మేము ఏడాది పొడవునా ఉపయోగించుకునే సామాగ్రి అన్నీ ఒకేసారి కొంటామనడంలో అతిశయోక్తి లేదు. ఇక్కడ తక్కువ రేటుకే అన్నీ దొరుకుతాయి. అలానే వాటి నాణ్యత సైతం బాగుంటుంది. ఇలా కొనడం మాకు ఎంతో ఆనందాన్నిస్తుంది. దీనివల్ల పరోక్షంగా ఎంతోమందికి హెల్ప్‌ చేయవచ్చు."-కొనుగోలుదారులు