Virat Kohli Hairstyle Cost :భారత్లో మూవీ, స్పోర్ట్స్‌ స్టార్‌లకు క్రేజ్‌ ఎక్కువ. వాళ్ల దుస్తులు, షూలు, వాచ్‌ల నుంచి హెయిర్ స్టైల్ వరకు అన్నింటినీ ఫ్యాన్స్‌ ఆసక్తిగా గమనిస్తుంటారు. చాలా మంది తమ ఫేవరెట్‌ స్టార్ హెయిర్ స్టైల్‌ని కాపీ చేసేందుకు ప్రయత్నిస్తుంటారు. ముఖ్యంగా టీమ్ఇండియా, ఆర్సీబీ ప్లేయర్‌ విరాట్ కోహ్లీ యూనిక్‌ హెయిర్ స్టైల్, గడ్డం అంటే చాలా మందికి ఇష్టం. మరి విరాట్ హెయిర్ స్టైల్‌కి ఎంత ఖర్చు పెడుతాడో ఎప్పుడైనా ఆలోచించారా ? తాజాగా కోహ్లీ హెయిర్ కట్ ధరను ప్రముఖ హెయిర్ స్టైలిస్ట్ ఆలిమ్ హకీమ్ వెల్లడించారు.
ఒక్క సెషన్‌కి రూ. లక్ష
బాలీవుడ్ హీరోలు, టాప్‌ ప్లేయర్‌లకు హెయిర్ స్టైలింగ్‌ చేస్తూ ఆలిమ్ హకీమ్ పాపులర్‌ అయ్యారు. హృతిక్ రోషన్ నుంచి రణబీర్ కపూర్ వరకు, క్రికెట్ లెజెండ్ సచిన్ నుంచి కోహ్లీ వరకు అతని క్లయింట్సే. హకీమ్ ఇండస్ట్రీలో టాప్‌ స్టైలిస్ట్గా గుర్తింపు తెచ్చుకున్నారు. ఇటీవల ఓ ఇంటర్వ్యూలో ఆలిమ్ హకీమ్ మాట్లాడారు. ఒక్క సెషన్‌కు రూ.1 లక్ష వరకు వసూలు చేస్తానంటూ వెల్లడించారు.
విరాట్ ఎప్పుడూ అది ట్రై చేద్దాం, ఇది ట్రై చేద్దాం అని రిఫరెన్సులు ఇస్తూనే ఉంటాడని, ఈ సారి ఐపీఎల్ రానుండటం వల్ల కొత్త లుక్ ట్రై చేయాలని నిర్ణయించుకున్నామని హకిమ్ చెప్పారు. అందుకే విరాట్ ఐబ్రోస్‌ వద్ద స్లిట్‌ చేశామంటూ వివరించారు. దీంతో పాటు పలు సినిమాల హీరోలకు తను స్టైలిస్ట్గా వ్యవహరించినట్లు తెలిపారు.