Horoscope Today November 21st 2024 : నవంబర్ 21వ తేదీ (గురువారం) మీ రాశి ఫలం ఎలా ఉందంటే?
మేషం (Aries) :మేషరాశి వారికి ఈ రోజు సామాన్యంగా ఉంటుంది. ఈ రోజు కొన్ని ఆందోళనకరమైన సంఘటనలు జరుగుతాయి. దీనితో విచారంగా ఉంటారు. మనోనిబ్బరంతో ఉండేందుకు ప్రయత్నించండి. మీ తల్లి గారి ఆరోగ్యం ఆందోళనకు గురి చేస్తుంది. ధ్యానం, యోగాభ్యాసం ద్వారా ఒత్తిడి నుంచి కొంత ఉపశమనం లభిస్తుంది. గ్రహసంచారం అనుకూలంగా లేదు. కాబట్టి ఇల్లు, ఆస్తులకు సంబంధించిన చట్టపరమైన కార్యకలాపాలకు దూరంగా ఉండటం మంచిది. నవగ్రహ స్తోత్ర పారాయణ మేలు చేస్తుంది.
వృషభం (Taurus) :వృషభరాశి వారికి ఈ రోజు మిశ్రమ ఫలితాలు ఉంటాయి. వృత్తి, వ్యాపారాలలో అన్ని పనులు ఎలాంటి ఆటంకాలు లేకుండా సునాయాసంగా జరిగిపోతాయి. సానుకూల ఆలోచనలతో ఈ రోజంతా సంతోషంగా ఉంటారు. వాస్తవాన్ని విడిచి ఊహల్లో తేలడం మంచిది కాదు. కుటుంబం పట్ల బాధ్యతతో ఉండాలి. ఆదాయాన్ని మించిన ఖర్చులు ఉండవచ్చు. ఆరోగ్యం సహకరిస్తుంది. శివారాధన శ్రేయస్కరం.
మిథునం (Gemini) :మిథునరాశి వారికి ఈ రోజు అనుకూలంగా ఉంటుంది. వృత్తి, వ్యాపారాలలో అభివృద్ధి ఉంటుంది. అదనపు ఆదాయ మార్గాలు ఏర్పడి ఆర్థిక సమస్యలు తొలగిపోవడం వల్ల ఆనందంగా ఉంటారు. బంధువులు, ప్రియమైన వారితో, స్నేహితులతో సరదాగా సంతోషంగా గడుపుతారు. వృత్తి నిపుణులు కొత్త ప్రాజెక్టులను దక్కించుకుంటారు. కుటుంబంలో సంతోషకరమైన వాతావరణం ఉంటుంది. ఇష్ట దేవతారాధన శుభకరం.
కర్కాటకం (Cancer) :కర్కాటకరాశి వారికి ఈ రోజు ప్రయోజనకరంగా ఉంటుంది. గ్రహబలం అనుకూలంగా ఉంది. అన్ని రంగాల వారికి ఆశించిన ప్రయోజనాలు ఉంటాయి. స్నేహితుల నుంచి, బంధువుల నుంచి సహకారం ఉంటుంది. ఆర్థికంగా బలోపేతం అవుతారు. ఓ శుభవార్త మీ సంతోషాన్ని రెట్టింపు చేస్తుంది. మీ ప్రియమైన వారితో విహారయాత్రలకు వెళ్తారు. విందు వినోదాలలో పాల్గొంటారు. శ్రీలక్ష్మీ గణపతి ఆలయ సందర్శన శుభకరం.
సింహం (Leo) :సింహరాశి వారికి ఈ రోజు మిశ్రమ ఫలితాలు ఉంటాయి. ఆర్థికంగా అనుకూలంగా ఉంటుంది. వృత్తి, వ్యాపారాలలో ఊహించని ఘటనలు చోటు చేసుకుంటాయి. కాబట్టి చాలా జాగ్రత్తగా ఉండాలి. ప్రతికూల ఆలోచనల ప్రభావం అధికంగా ఉంటుంది. కీలక నిర్ణయాలు తీసుకునేటప్పుడు ఒకటికి రెండుసార్లు ఆలోచన చేయండి. వివాదాలకు దూరంగా ఉండండి. శివ పంచాక్షరీ మంత్ర జపంతో ఆపదలు తొలగిపోతాయి.
కన్య (Virgo) :కన్యారాశి వారికి ఈ రోజు శుభప్రదంగా ఉంటుంది. ఇన్ని రోజుల ఎదురుచూపులకు ముగింపు పలికే తరుణం వచ్చింది. ఈ రోజు మీకు వ్యక్తిగతంగా, వృత్తిపరంగా ప్రయోజనకరంగా ఉంటుంది. లక్ష్మీకటాక్షంతో సంపద ప్రాపిస్తుంది. అన్ని రంగాల వారికి ప్రయాణాలు అనుకూలిస్తాయి. ఆరోగ్యం సహకరిస్తుంది. ఇష్ట దేవత ఆలయ సందర్శన మేలు చేస్తుంది.
తుల (Libra) :తులారాశి వారికి ఈ రోజు ఫలవంతంగా ఉంటుంది. ఇంట్లో ఆనందకరమైన వాతావరణం వెల్లివిరుస్తుంది. మీ ప్రతిభతో, శక్తియుక్తులతో ఉన్నతాధికారులను మెప్పిస్తారు. ప్రమోషన్‌ కోసం చూస్తున్న వారు శుభవార్తలు అందుకుంటారు. ఆర్థికంగా శుభ ఫలితాలు ఉంటాయి. గృహంలో సుఖ సంతోషాలు నెలకొంటాయి. శ్రీలక్ష్మీ ధ్యానం శుభప్రదం.
వృశ్చికం (Scorpio) :వృశ్చికరాశి వారికి ఈ రోజు సామాన్యంగా ఉంటుంది. అన్ని రంగాల వారు ఈ రోజు అప్రమత్తంగా ఉండాలి. అనుకోని సమస్యలు ఎదురు కావడం వల్ల భావోద్వేగంతో ఉంటారు. అన్ని విషయాల్లో జాగ్రత్తగా వ్యవహరించాలి. వృత్తిపరంగా మిశ్రమ ఫలితాలు ఉంటాయి. వ్యక్తిగత జీవితం అనుకోని మలుపులు తిరిగే అవకాశం ఉంది. వ్యాపారంలో కొన్ని ఇబ్బందులు ఎదుర్కొంటారు. మీరంటే గిట్టని వాళ్ళను ఓ కంట కనిపెట్టండి. ప్రయాణాలు వాయిదా వేస్తే మంచిది. వృధా ఖర్చులు నివారించాలి. శ్రీ దుర్గాస్తుతి పఠించడం శ్రేయస్కరం.
ధనుస్సు (Sagittarius) :ధనుస్సురాశి వారికి ఈ రోజు ప్రతికూల ఫలితాలు గోచరిస్తున్నాయి. వృత్తి పరంగా, వ్యక్తిగతంగా ఊహించని సంఘటనలతో ఈ రోజంతా నిండిపోయి ఉంటుంది. అన్ని రంగాల వారికి పనిభారం పెరగుతుంది. దీనితో తీరిక లేకుండా ఉండాల్సిన పరిస్థితి ఏర్పడుతుంది. ముఖ్యమైన పనులు వాయిదా వేస్తే మంచిది. జీవిత భాగస్వామితో వ్యవహరించేటప్పుడు లౌక్యంగా గౌరవప్రదంగా ఉండడం అవసరం. అనారోగ్య సమస్యలు ఇబ్బంది పెడతాయి. ఆదిత్య హృదయం పారాయణ మేలు చేస్తుంది.
మకరం (Capricorn) :మకరరాశి వారికి ఈ రోజు అనుకూలంగా ఉంటుంది. వృత్తి, వ్యాపారాలకు అంతా అనుకూలంగా ఉంటుంది. వివిధ ఉత్పత్తులకు సంబంధించిన ఫ్రాంచైజీలు మీకు లభించే అవకాశాలు కనిపిస్తున్నాయి. వ్యాపారంలో నూతన అవకాశాలు మెరుగవుతాయి. కమీషన్‌ వ్యాపారం, వడ్డీ వ్యాపారం, పెట్టుబడులు, మీ ఆదాయాన్ని పెంచుతాయి. సంతానం చదువు పట్ల శ్రద్ధ పెడితే మంచిది. శ్రీ వేంకటేశ్వర స్వామి ఆలయ సందర్శన శుభకరం.
కుంభం (Aquarius) :కుంభరాశి వారికి ఈ రోజు విజయవంతంగా ఉంటుంది. అన్ని రంగాల వారు తమ తమ రంగాల్లో విజయాన్ని అందుకుంటారు. మీ పనితీరుకు, సమర్థతకు గుర్తింపు లభిస్తుంది. కుటుంబ సభ్యులతో గడిపే సమయం మీకు సంతృప్తి, ఆనందాన్ని ఇస్తుంది. ఆర్థికపరమైన లాభాలు మెండుగా ఉండడం వల్ల ఈ రోజంతా మీరు ఉత్సాహంగా ఉంటారు. ఆరోగ్యం సహకరిస్తుంది. ఇష్ట దేవతారాధన మేలు చేస్తుంది.
మీనం (Pisces) :మీనరాశి వారికి ఈ రోజు మిశ్రమ ఫలితాలు ఉంటాయి. సృజనాత్మకతతో చేసే పనులు సత్ఫలితాలను ఇస్తాయి. వృత్తి పరంగా నైపుణ్యాలను మెరుగు పరుచుకుంటే మంచిది. వృత్తి పరంగా ఎదురయ్యే సమస్యల కారణంగా ఒత్తిడి పెరుగుతుంది. ఖర్చులు అదుపులో ఉంచుకుంటే మంచిది. రచయితలు సృజనాత్మకంగా చేసే రచనలు మంచి పేరు తీసుకువస్తాయి. విద్యార్థులు చదువులో రాణిస్తారు. సన్నిహితులతో మాట్లాడేటప్పుడు కోపాన్ని అదుపులో ఉంచుకొని జాగ్రత్తగా మాట్లాడాలి. శ్రీరామనామ జపం శక్తినిస్తుంది.
