ஆஸ்திரேலியன் ஓபன்: செரினா வெற்றி, வீனஸ் தோல்வி!

ஆஸ்திரேலியன் ஓபன் கிராண்ட்ஸ்லாம் டென்னிஸில் இன்று நடைபெற்ற மகளிர் ஒற்றையர் பிரிவு ஆட்டத்தில் அமெரிக்காவின் நட்சத்திர வீராங்கனைகளும், சகோதரிகளுமான செரினா, வீனஸ் வில்லியம்ஸ் விளையாடினர். இதில் செரினா வில்லியம்ஸ் 6-3, 6-0 என்ற நேர் செட் கணக்கில் செர்பியாவின் நினா ஸ்டோஜனோவிக்கை வீழ்த்தி அடுத்த சுற்றுக்கு முன்னேறினார். ஆனால், வீனஸ் வில்லியம்ஸ் போட்டியின் போது ஏற்பட்ட காயத்தினால் 6-1, 6-0 என்ற கணக்கில் இத்தாலியின் சாரா எர்ராணியிடம் படுதோல்வியைச் சந்தித்து தொடரிலிருந்து வெளியேறினார்.