பட்டப்பகலில் தேசிய நெடுஞ்சாலையை கடந்து செல்லும் புலி: வைரலாகும் வீடியோ! - video of tiger crossing mysore highway

ஈரோடு:சத்தியமங்கலம் புலிகள் காப்பகத்தில் புலி, சிறுத்தை, யானை, கரடி, மான், காட்டெருமை உள்ளிட்ட பல்வேறு வகையான வனவிலங்குகள் வசித்து வருகின்றன. இந்த வனப்பகுதி வழியாக தமிழ்நாடு - கர்நாடக மாநிலங்களை இணைக்கும் சத்தியமங்கலம் - மைசூர் தேசிய நெடுஞ்சாலை அமைந்துள்ளது. அதனால் அவ்வப்போது, சாலைகளில் வனவிலங்குகளின் நடமாட்டம் அதிகளவிலே இருக்கும். 

இந்த நிலையில் சத்தியமங்கலம் - மைசூர் தேசிய நெடுஞ்சாலையில் சத்தியமங்கலத்தைச் சேர்ந்த ஒருவர் காரில் சென்ற போது பண்ணாரி அருகே வனப்பகுதியில் இருந்து வெளியேறிய புலி ஒன்று திடீரென சாலையை கடந்து சென்றது. அப்போது காரில் சென்ற நபர் புலி சாலையை கடக்கும் காட்சியை அவரது செல்போனில் வீடியோவாக பதிவு செய்து சமூக வலைதளத்தில் பகிர்ந்துள்ளார்.

பட்டப்பகலில் புலி ஒன்று சாலையை கடந்து செல்லும் வீடியோ அப்பகுதியில் வைரலாகி உள்ளது. இந்தச் சம்பவம் அப்பகுதி வாகன ஓட்டிகள் இடையே பெரும் அச்சத்தை ஏற்படுத்தியுள்ளது. இது குறித்து வனத்துறையினர் விரைந்து நடவடிக்கை எடுக்க வேண்டும் என்று அப்பகுதி வாகன ஓட்டிகள் வனத்துறையினர் கோரிக்கை விடுத்துள்ளனர்.