Assam accident: ஏராளமான மக்களுடன் ஆற்றில் சரிந்த மேடை.. பதைபதைக்க வைக்கும் வீடியோ!
கரீம்கஞ்ச்: அசாம் மாநிலம், கரீம்கஞ்ச் பகுதியில் பாரம்பரியமாக படகுப்போட்டி நடப்பது வழக்கம். அந்த வகையில் இன்று படகுப்போட்டி நடைபெற்றுள்ளது. இந்த போட்டியைக் காண சுற்றுவட்டாரப் பகுதிகளைச் சேர்ந்த மக்கள் தங்கள் குடும்பத்தினருடன் கரீம்கஞ்ச் பகுதிக்கு வருகை தந்துள்ளனர்.
படகுப் போட்டியை தெளிவாக காண ஆற்றின் அருகே தற்காலிக மேடை ஒன்று அமைக்கப்பட்டிருந்தது. அந்த மேடையில் பொதுமக்கள் பலர் ஏறி நின்று போட்டியைக் கண்டு ரசித்தனர். அப்போது பாரம் தாங்காமல் அந்த மேடை தண்ணீருக்குள் சரிந்து விழுந்தது.
அப்போது மேடையில் இருந்த ஆண்கள், பெண்கள், குழந்தைகள் என ஏராளமானோர் தண்ணீருக்குள் விழுந்தனர். அதிர்ஷ்டவசமாக உயிர்ச்சேதம் ஏதும் ஏற்படவில்லை என தகவல் வெளியாகியுள்ளது. இந்த விபத்து தொடர்பாக போலீசார் வழக்குப்பதிவு செய்து விசாரணை நடத்தி வரும் நிலையில், சம்பவத்தின் வீடியோ காட்சிகள் இணையத்தில் வைரலாகி வருகின்றன.
இதையும் படிங்க:Brij Bhushan singh: மல்யுத்த வீராங்கனைகள் பாலியல் புகார்.. பிரிஜ் பூஷன் சிங்கிற்கு இடைக்கால ஜாமீன்!