நிலவில் விண்வெளி மையங்கள் நிறுவ முன்னுதாரணம் - முன்னாள் இஸ்ரோ விஞ்ஞானி மயில்சாமி அண்ணாதுரை! - Mylswamy Annadurai opinion about Chandrayaan 3

சென்னை:சந்திரயான் 3 விண்கலம் இன்று (ஜூலை 14) வெற்றிகரமாக ஏவப்பட்ட நிலையில், நிலவை நோக்கிய புவி நீள்வட்டப்பாதையில் இருந்து அதன் பயணம் தொடங்கியுள்ளது. இதனிடையே, இது குறித்து இஸ்ரோவின் சந்திரயான் மற்றும் மங்கள்யான் ஆகிய திட்டங்களில் சிறப்பாக பணியாற்றிய முன்னாள் விஞ்ஞானி மயில்சாமி அண்ணாதுரை நமது ஈடிவி பாரத்திடம் பிரத்யேக நேர்காணல் அளித்துள்ளார். 

சந்திரயான் 3 விண்கலம் நிலவை ஆராய்வதற்காக ஏவப்பட்ட நிலையில், எதிர்காலத்தில் இந்தியா சந்திரனில் விண்வெளி மையம் நிறுவுவதற்கும் தயாராக இருக்கவேண்டும். சந்திரயான் 3 திட்டத்தை அடுத்து, மனிதர்களை ஏற்றிச்செல்லும் நிலவுப் பயணங்களுக்கான நமது திறனை மேம்படுத்திக் கொள்வதோடும், அதற்கான திசையில் நாம் முதல் படியை முன்னோக்கி வைத்துள்ளோம் என்று விஞ்ஞானி மயில்சாமி அண்ணாதுரை பெருமிதம் தெரிவித்துள்ளார்.

மேலும், சந்திரயான் 3 திட்டத்தைத் தொடர்ந்து, அடுத்ததாக இந்தியா மேலும் ஒருபடி முன்னேறி மனிதனை நிலவுக்கு அனுப்பவும், அங்குள்ள நீர் மற்றும் கனிம வளங்கள் உள்ளிட்டவைகள் குறித்தும் ஆராய வேண்டும் என்று கூறியுள்ளார். நிலவில் தற்போது தரையிறங்க திட்டமிடப்பட்டுள்ள தென் துருவப்பகுதியானது, ஒரு பெரிய அறிவியல் மற்றும் உத்தேசமாக மதிப்பிடப்பட்டுள்ளது.

வான்வெளியில் ஏவுகணை பூமியைச் சுற்றி வருவதும், சந்திரனின் மேற்பரப்பை அடைய ஒரு மாதத்திற்கும் மேலாக எடுக்கும் என்றும் இதன் பின்னர், தீர்மானிக்கப்பட்ட சுழற்சிப் பாதையில் வெற்றிகரமாக முன்னேறும் என்றும் தெரிவித்துள்ளார். இதற்கும் முன்பு, மங்கள்யான் பணியில் பயன்படுத்தப்பட்டதாகவும், சந்திரனில் இறங்கி பூமிக்கு திரும்புவதற்கு 8 நாட்கள் மட்டுமே எடுத்துக்கொண்ட அமெரிக்காவின் அப்பல்லோவை போன்று அல்லாமல் இது குறைந்த செலவாகும் என்றும் கூறியுள்ளார்.

ஏழ்மை நிலையிலுள்ள இந்தியாவின் இத்தகைய சாதனைகளை மேற்கொள்வதாக எழுந்த விமர்சனங்கள் முற்றிலும் தவறானது என்றார். இஸ்ரோவின் இந்த சந்திரயான் 3 போன்ற வணிக ரீதியிலான ஏவுதல்கள், நமது அறிவியல் மற்றும் தொழில்நுட்ப அறிவை மேம்படுத்துவதாகவும், இத்தகைய திட்டத்தில் செலவுகளை விட அதிகமான வருவாய் ஈட்டலாம் என்றும் மயில்சாமி அண்ணாதுரை தெரிவித்துள்ளார்.