மிக்ஜாம் புயல்; வேரோடு சாய்ந்த மரத்துடன் மேலே சென்ற கார்! - car standing on the root

சென்னை: மிக்ஜாம் புயலின் காரணாமாக அயப்பாக்கத்தில் சாலையின் அருகே, மரத்தின் அடியில் நிறுத்தி வைக்கப்பட்ட கார், மரம் சாய்ந்ததில் வேரோடு மேலே சென்றுள்ளதால், அவற்றை மீட்பதற்கு காரின் உரிமையாளர் முயற்சி செய்து வருகிறார்.

மிக்ஜாம் புயல் பாதிப்பு காரணமாக சென்னையில் பலத்த காற்றுடன் கனமழை பெய்தது. இதில் பல்வேறு இடங்களில் சாலையின் அருகில் உள்ள மரங்கள் வேருடன் சாய்ந்து, சாலையில் விழுந்ததில் பல்வேறு வாகனங்கள் பாதிக்கப்பட்டதோடு, போக்குவரத்து மற்றும் மின்சாரம் பெரிதும் பாதிக்கப்பட்டது.

இந்நிலையில், அயப்பாக்கம் பகுதியில் வீசிய பலத்த காற்றின் விளைவாக, தமிழ்நாடு வீட்டு வசதி வாரிய குடியிருப்பு சாலையின் அருகே, மரத்தின் அடியில் நிறுத்தி வைக்கப்பட்டிருந்த காரானது, மரம் வேரோடு சாய்ந்ததில், காரும் வேரோடு மேலே சென்று நின்றுள்ளது. 

சாய்ந்த மரத்தின் வேரில் நின்று கொண்டிருக்கும் காரை எப்படி கீழே இறக்குவது குறித்து காரின் உரிமையாளர் முயற்சி செய்து வருகிறார். மேலும், கீழே விழாமல் மரத்தின் பலத்தால், வேரின் மீது நின்று கொண்டிருக்கும் காரை அப்பகுதி மக்கள் ஆச்சரியத்துடன் பார்த்து செல்கின்றனர்.