Video:பழனி முருகன் கோயிலில் நடிகர் கெளதம் கார்த்திக், மஞ்சிமாமோகன் தம்பதியினர் சாமி தரிசனம்

திண்டுக்கல்:பழனி முருகன் கோயிலுக்கு நடிகர் கௌதம் கார்த்திக், மனைவி மஞ்சிமா மோகனுடன் வருகை தந்தார். மலையடிவாரத்தில் இருந்து ரோப் கார் மூலமாக கௌதம் கார்த்திக் அவரது மனைவி மஞ்சிமா மோகன் இருவரும் சாமி தரிசனம் செய்ய மலை மீது சென்றனர். மலை மீது சென்ற கௌதம் கார்த்திக்கை பார்த்து பக்தர்கள் பலரும் புகைப்படம் எடுக்க திரண்டனர். இந்த நிலையில் விரைவாக சாமி தரிசனம் செய்ய கௌதம் கார்த்திக் அழைத்து செல்லப்பட்டார். பின்னர் கோயில் நிர்வாகத்தால் வழங்கப்பட்ட பிரசாதத்தை பெற்றுக்கொண்டு மலைமீது இருந்து கீழே இறங்கி புறப்பட்டுச்சென்றார். பழனி முருகன் கோயில் குடமுழுக்கு நிறைவடைந்த பிறகு அடுத்தடுத்து சினிமா நடிகர்களின் வருகை அதிகரிக்கத் தொடங்கியுள்ளது.