கண் தசைகளுக்கு சுழற்சி ஏற்படுத்தும் யோகா!

கரோனா காலத்தில் நாம் அதிகமாக மின்னணு சாதனங்களை உபயோகிப்பதால், கண்களுக்கு அழுத்தம் ஏற்படுத்துகிறது. அந்தக் கண்களுக்கு எந்த மாதிரியான யோகாசனங்களைச் செய்யலாம் என விளக்குகிறது இந்தச் செய்தித் தொகுப்பு!

கரோனா வைரஸ் (தீநுண்மி) என்னும் பெருந்தொற்று உலக நாடுகளை ஆட்கொண்டுள்ளது. இதிலிருந்து இந்தியாவும் தப்பிக்கவில்லை. நாட்டில் இதுவரை 54 ஆயிரத்து 849 பேர் உயிரிழந்தும், 29 லட்சத்து ஐந்தாயிரம் பேர் பாதிக்கப்பட்டும் உள்ளனர். இதனால் நாடு முழுவதும் சில தளர்வுகளுடன் ஊரடங்கு அமலில் உள்ளது. இதன் காரணமாக பள்ளிகள், கல்லூரிகள் தொடங்கப்படாமலும், அலுவலங்களில் பாதி விழுக்காட்டுடன் பணி நடைபெற்றிருக்கிறது.

இவையனைத்து இணையத்தில் நடைபெறுவதால், இந்தக் கரோனா காலத்தை அதிகமாக இணையத்துடன் இணைக்க வேண்டிய சந்தர்ப்பம் உருவாகியுள்ளது. இப்படி இருக்கும்பட்சத்தில், இதில் அதிகமாக கண் தசைகள் பாதிக்கப்படுகின்றன.

இந்தப் பாதிக்கப்பட்ட கண் தசைகளை யோகா மூலம் எப்படி மீட்பது குறித்து விளக்குகிறார் அறுவை சிகிச்சை வல்லுநரும், கைவல்யாதாம் யோகா நிறுவனருமான மருத்துவர் சதிஷ் பதாக்.

கண் தசைகளை ச்சுழற்சி ஏற்படுத்தும் மூன்று யோகாக்கள்

1. பிரம்மா முத்ரா
2. வியாக்ர முத்ரா (சிங்கம் போஸ்)
3. டிராடக்

பிரம்மா முத்ரா

கண்களுக்கும், முகத்தசைகளுக்கும் ரத்த விநியோகத்தை அதிகப்படுத்துகிறது.

பிரம்மா முத்ரா

யோகாவை எப்படிச் செய்வது?

• கழுத்தை மெதுவாக இடதுபக்கம் திருப்புங்கள். பின்னர் சிறிது நேரம் அப்படி இருங்கள். மீண்டும் இயல்புநிலைக்குத் திரும்பி நேராக கழுத்தை வையுங்கள். இதேபோன்று வலது பக்கம் கழுத்தை மெதுவாகத் திருப்புங்கள், சிறிது நேரம் அப்படி இருந்துவிட்டு, மெள்ள மெள்ள இயல்புநிலைக்குத் திரும்புங்கள்.
• அடுத்ததாக கழுத்தை மெதுவாக மேல்நோக்கி தூக்கி, சில விநாடிகள் காத்திருக்கவும். பின் மீண்டு இயல்புநிலைக்கு மாறுங்கள். பின்னர் கொஞ்சம் பொறுத்து கழுத்தை கீழே நகர்த்தவும். இதில் நாடி நெஞ்சைத் தொடும் வண்ணம் சில விநாடிகள் வைத்துவிட்டு. பின் மெதுவாக இயல்புநிலைக்கு வாருங்கள்.
• பின்னர் கழுத்தை இடது பக்கமாகச் சாய்த்து, சில விநாடிகள் வைத்து, மீண்டும் இயல்புநிலைக்குத் திரும்புங்கள். அதேபோல் வலப்பக்கமும் செய்யவும்.
• இதையடுத்து இப்போது கடிகார முறையில் முதலில் கடிகார முள்ளைப் போன்று நேர் திசையில் கழுத்தை மெதுவாகச் சுற்றுங்கள். பின்னர் இயல்புநிலைக்கு வந்துவிட்டு, கழுத்தை ஆன்ட்டி-கிளாக் என்னும் கடிகார முள்ளின் எதிர்த்திசையில் கழுத்தைச் சுற்றி மீண்டு, இயல்புநிலைக்கு வாருங்கள்.

இந்த யோகாசனத்தை மூடிய கண்களால் மூன்று முறை செய்யவும். அமைதியான சூழலில் இந்த பிரம்மா முத்ராவை செய்யுங்கள்.

வியாக்ர முத்ரா அல்லது சிங்காசனம்:

முழுமையாக மூச்சை இழுத்துவிடுங்கள். பின்னர், வாயை முழுவதுமாகத் திறந்து மூச்சை இழுத்துவிடுங்கள். அப்போது நாக்கை முழுவதுவாக வெளியே வைத்தும், கண்களை அகலமாகப் பார்த்தும் இந்த சிங்காசனத்தைச் செய்ய வேண்டும். இதை மூன்று முறை செய்ய வேண்டும்.

வியாக்ர முத்ரா (சிங்கம் போஸ்)

இந்த சிங்காசனத்தை 3 - 4 வயது முதல் யார் வேண்டுமானாலும் செய்யலாம். ஏனென்றால், இந்த முத்ராவை செய்யும்போது குழந்தைகள் மகிழ்ச்சியடைவர்.

யார் செய்யக்கூடாது?

-ஹைப்பர் தைராய்டு உள்ளவர்கள்

-கிளாக்கோமா எனப்படும் கண்ணில் உயர் அழுத்தமுடையவர்கள்

-கர்ப்பிணிகள்

டிராடக்

• 15 வயதிற்கு மேற்பட்ட யாராகினும் யோகா வல்லுநரின் வழிகாட்டுதலின்கீழ் இந்த டிராடக் யோகாசனத்தைச் செய்யலாம்.
• ஒரு புள்ளியில் அல்லது சுடரில் கவனம் செலுத்த வேண்டும்.
• கண் அழுத்தம், அதிக ஒளிவிலகல் உள்ளவர்கள் இதைச் செய்யக்கூடாது.
• இதைச் செய்யும்போது காலின் பாதங்களைத் தேய்த்துவிடவும். அதுமட்டுமின்றி, கைகளை நெற்றியில் வைக்கவும், பின்னர் 15-20 முறை கண்ணை சிமிட்டி சிமிட்டி திறக்கவும்.
  

  டிராடக்
• உதயமாகும் சூரியனைப் பாருங்கள். வயதானவர்களாலும் இதைச் செய்ய முடியும். இருப்பினும் லேசான காலை சூரிய ஒளியின்போது மட்டுமே அவர்கள் இதைச் செய்ய வேண்டும்.
• இந்த யோகாசனத்தைச் செய்யும்போது, உங்கள் கண்ணில் ஈரமான துணியை வைத்துக்கொள்ளுங்கள், அல்லது வெள்ளரி / கேரட் / உருளைக்கிழங்கு போன்றவற்றை வைத்துக் கொள்ளுங்கள்.

மேலே சொன்ன எல்லா யோகாவும் கண் தசைகளை வலுப்படுத்துவதற்கும், கண் பார்வையை நிலைநிறுத்தவும் உதவும்.

இதையும் படிங்க...மனச்சோர்விலிருந்து மீள மருத்துவரின் ஆலோசனை என்ன தெரியுமா?