உலகம் முழுவதும் நாளுக்கு நாள் பல்வேறு காரணங்களால் புற்றுநோய் பாதிக்கப்பட்டவர்களின் எண்ணிக்கை அதிகரித்து வருகிறது. அதேநேரம் புற்றுநோயால் பாதிக்கப்பட்டவர்கள், கருவுறுதலில் ஆர்வம் செலுத்துவதில்லை. ஏனென்றால், ரத்த நாளங்கள் மூலம் புற்றுநோய் தனது இனப்பெருக்க துணைக்கும் பரவி விடும் என்கிற அச்சம்.
ஆனால் புற்றுநோயால் பாதிக்கப்பட்டவர்கள் தங்களது சிகிச்சைக்கு முன் கருவுறுதலில் ஈடுபடலாம். முக்கியமாக ஆஸ்திரேலியாவில் புற்றுநோயால் பாதிக்கப்பட்ட 8,200 பேர், தங்களது இனப்பெருக்க காலத்திற்குள் (40 வயதிற்குள்) புற்றுநோயால் பாதிக்கப்பட்டவர்கள் என தெரிய வந்துள்ளது.
இது 1980ஆம் ஆண்டின் விகிதத்தை விட இரு மடங்கு அதிகமாகும். இதில் சிலர் புற்றுநோய் சிகிச்சைக்குப் பிறகு கருவுறுதலை நிகழ்த்தலாம் என நினைப்பார்கள். ஆனால், புற்றுநோய் சிகிச்சைக்குப் பின் கருவுறுதல் குறைவதாக ஆய்வுகள் தெரிவித்துள்ளன.
புற்றுநோய் சிகிச்சையானது கருவுறுதலை எவ்வாறு பாதிக்கும்? புற்றுநோய் சிகிச்சைகள் ஆண், பெண் என இரு பாலினருக்கும் கருவுறுதலைக் குறைக்கும். கீமோதெரபி, கதிர்வீச்சு மற்றும் அறுவை சிகிச்சை ஆகியவை கருமுட்டை மற்றும் விந்தணுக்களின் எண்ணிக்கையை நிரந்தரமாக குறைக்கலாம். இது எதிர்காலத்தில் கருத்தரிப்பதில் சிரமத்திற்கு வழிவகுக்கும்.
புற்றுநோய் செல்களைத் தாக்கும் கீமோதெரபி இரசாயன மருந்து சிகிச்சைகள் மென்மையான முட்டை மற்றும் விந்தணுக்களுக்கு தீங்கு விளைவிக்கும் மற்றும் அவற்றின் எண்ணிக்கையை குறைக்கலாம். அதேபோல், கதிரியக்க சிகிச்சை மூலம் புற்றுநோய் செல்கள் மீது கதிர்வீச்சு சிதறி, கருப்பைகள் மற்றும் டெஸ்டிகுலர் திசுக்களில் வடுக்கள் ஏற்படலாம்.
சில நேரங்களில் அதிக அளவு கீமோதெரபி அல்லது கதிரியக்க சிகிச்சை மூலம், அனைத்து முட்டைகள், விந்து செல்கள் மற்றும் துணை திசுக்கள் அழிக்கப்படலாம். இனப்பெருக்க உறுப்புகளுக்கு நேரடி அறுவை சிகிச்சையானது கருவுறுதலைக் குறைக்க வழிவகுக்கும். இதன் விளைவு ஒவ்வொரு நபருக்கும் வித்தியாசமாக இருக்கலாம்.
ஆன்கோஃபெர்டிலிட்டி (Oncofertility) என்பது ஒப்பீட்டளவில் சமீபத்தில் நிறுவப்பட்ட மருத்துவத் துறையாகும். இது உயிரியல், உளவியல் மற்றும் சமூகக் கண்ணோட்டத்தில் வாழ்க்கைத் தரத்தை நிவர்த்தி செய்கிறது. ஆஸ்திரேலியாவின் மருத்துவ புற்றுநோயியல் சங்கம் (கோசா), புற்றுநோயால் பாதிக்கப்பட்டவர்களுக்கு கருவுறுதல் பாதுகாப்பிற்கான வழிகாட்டுதல்களைப் புதுப்பித்துள்ளது.
இது மருத்துவ நிபுணர்கள், அறிவியல் ஆராய்ச்சியாளர்கள், உளவியலாளர்கள், சுகாதார மேலாளர்கள், செவிலியர்கள் மற்றும் பொது ஆலோசனை உள்ளிட்ட பிரிவுகளின் கீழான ஆஸ்திரேலிய நிபுணர்களின் ஆலோசனையை அடிப்படையாகக் கொண்டது. ஆஸ்திரேலியாவின் மருத்துவ இதழில் இன்று வெளியிடப்பட்ட வெளியான Oncofertility பற்றிய தொகுப்பில், முட்டைகளை உறைய வைத்த பிறகு கர்ப்பம் கருவுறுவது, கருவை உறைய வைத்த பிறகு ஏற்படும் கர்ப்ப விகிதங்கள், நேரடி பிறப்பு விகிதம் முறையே 46 சதவீதம் மற்றும் 54 சதவீதம் என தெரிவிக்கப்படுள்ளது.
ஒரு ஆய்வில் பெண்களுக்கு கருப்பை திசு உறைதல் மற்றும் ஒட்டுதல் ஆகியவை பரிசோதனையாகக் கருதப்படுவதில்லை. இருப்பினும் 13 வயதுக்குட்பட்ட பருவமடைவதற்கு முந்தைய பெண்களுக்கான சிறப்பு மேற்பார்வை பரிந்துரைக்கப்படுகிறது. ஏனெனில் கருவுறுதலின்போது 20 வயது அல்லது அதற்கும் குறைவான வயதுடைய நோயாளிகளின் மருத்துவ அனுபவம், நுண்ணுயிர் அறுவை சிகிச்சை மூலம் விந்தணுக்களில் இருந்து விந்தணுக்களை பிரித்தெடுப்பது குறைவாகவே உள்ளது.
ஏற்கனவே புற்றுநோய் சிகிச்சைக்கு உட்படுத்தப்பட்ட மற்றும் விந்தணு இல்லை என்று கருதப்பட்ட ஆண்களுக்கு பரிசீலிக்கப்படலாம். முதிர்ந்த விந்தணுக்கள் இல்லாததால், பருவமடைவதற்கு முந்தைய சிறுவர்களில் டெஸ்டிகுலர் திசு உறைதல் தற்போது பரிசோதனையாக கருதப்படுகிறது. கருவுறுதலுக்கு இந்த ஆரம்பகால செல்களைப் பயன்படுத்த புதிய முறைகள் சோதிக்கப்படும் போது மருத்துவ நெறிமுறை மேற்பார்வை தேவைப்படுகிறது.
இதையும் படிங்க:8 வயதுக்கு கீழ் உள்ள குழந்தைகளுக்கு குரங்கம்மை பாதிப்பு அதிகம் - ஆய்வு கூறும் அதிர்ச்சி தகவல்
