இனிப்போ..! காரமோ..! ரயிலில் போகும் போது சாப்பிடனும்னு தோணுதா? அப்படி இதை ட்ரை பண்ணுங்க!

Food can be ordered through WhatsApp while traveling by train: ரயில் பயணத்தின் போது, நமக்கு பிடித்தமான உணவை, பிரபல உணவகத்தில் இருந்து வாட்ஸ்அப் மூலம் ஆர்டர் செய்து கொள்ளும் வசதியை RAILOFY மேம்படுத்தி உள்ளது.

ஹைதராபாத்:பயணம் என்றாலே எல்லாருக்கும் அலாதி பிரியம். அதிலும் ரயில் பயணம் என்றால் எல்லாருக்கும் குஷி தான். ஏனெனில் குழந்தைகள் முதல் வயதானவர்கள் வரை என அனைவருக்கும் ஏற்றது. மேலும் குறைவான கட்டணம். ஆகையால் ரயில் பயணத்தை விரும்பாதவர்கள் யாரும் இருக்க மாட்டார்கள். இந்த விருப்பமான பயணத்தில், பலரும் விரும்பாததது உணவை தான்.

இந்த ரயில் பயணத்தின் போது, அவ்விடத்தில் கிடைக்கக்கூடிய உணவையே சாப்பிட நேரிடும். அதாவது நாம் நினைக்கும் அல்லது விரும்பும் உணவை சாப்பிட முடியாது. ஆனால் இனிமேல் அந்த கவலை தேவை இல்லை. நாம் அனைவரும் பயன்படுத்தும் வாட்ஸ் அப் மூலம், நமக்கு விருப்பமான உணவை, பிரபலமான உணவகங்களில் இருந்து பெற்றுக் கொள்ளலாம்.

ஆன்லைன் ரயில் உணவு விநியோகத்தில் முன்னணியில் உள்ள RAILOFY நிறுவனம் திட்டத்தை அறிமுகம் செய்துள்ளது. அதன் மூலம் எந்த ஒரு புதிய ஆப்பையும் பதிவிறக்கம் செய்யாமல், ஹல்டிராம்ஸ் (Haldirams), சப்வே (Subway), பிகர்னெர்வாலா (Bikarnerwala), ஆர்ய பவன் (Arya Bhavan), ஹாட்பிளேட் எக்ஸ்பிரஸ் (Hotplate Express) போன்ற பிரபலமான உணவகங்களில் இருந்து உணவை நாம் பயன்படுத்தும் வாட்ஸ் அப் சாட்போட் (Whatsapp Chatbot) மூலம் ஆர்டர் செய்யலாம்.

ரயிலோஃபியின் வாட்ஸ் அப் சேட்போட்டிற்கு (RAILOFY’s WhatsApp Chatbot) சேட் செய்வது போல் செய்தி அனுப்பி, உங்களுக்கு பிடித்த விதவிதமான உணவுகளை, உங்களுக்கு விருப்பமான உணவகங்களில் ஆர்டர் செய்யலாம். இதன் மூலம் உங்கள் ஆர்டரின் நிலை, அதாவது உங்கள் ஆர்டர் ஏற்றுக்கொள்ளப்பட்டு விட்டதா?, உணவு தயாராகிக் கொண்டிருக்கிறதா? என்பது முதல் டெலிவரி வரை நீங்கள் அறிந்து கொள்ளலாம். மேலும் ஆர்டருக்கு பணம் செலுத்துவதிலும் பல பயன்பாடுகள் உள்ளன. குறிப்பாக உணவு டெலிவரி செய்யப்பட்ட பின்னர் கூட பணத்தை செலுத்தலாம். மேலும் மொபைல் நெட்வோர்க் பற்றி கவலை கொள்ள தேவையில்லை.

எப்படி ஆர்டர் செய்வது: இதை நீங்கள் உபயோகப்படுத்துவதற்கு ரயிலோஃபியின் எண்ணை (+91 7441111266) உங்கள் வாட்ஸ் அப்பில் சேமித்தால் ரயிலோஃபியின் பக்கம் உருவாகும். அதில் Hi என்று செய்தி அனுப்பினால், உங்கள் மொழி குறித்து கேட்கும் கேள்விக்கு உங்கள் மொழியை தேர்ந்தெடுங்கள். இதனை அடுத்து, உங்கள் PNR (Passenger Name Record) அதாவது பயணியின் பெயர் பதிவை கேட்கும், அதில் உங்கள் PNR ஐ உள்ளிடவும்.

இதனை அடுத்து உங்களது நிலையத்தை தேர்ந்தெடுக்க வேண்டும். அதன் பின் உங்களுக்கு உணவு எந்த நிலையத்தில் வழங்கப்பட வேண்டும் என்பதை பதிவு செய்யவும். இதனை அடுத்து உங்களுக்கு பிடித்த உணவை தேர்ந்தெடுத்து ஆர்டர் செய்யவும். நீங்கள் குறிப்பிட்ட ரயில் நிலையம் வந்ததும், உங்களுக்கான உணவு உங்கள் இருக்கையைத் தேடி வந்துவிடும்.

ஏற்கனவே இந்த நடைமுறை செயல்பாட்டில் இருந்தாலும், பயணிகள் விரும்பும் பெரும்பாலான உணவகங்கள் இந்த பட்டியலில் இல்லாமல் இருந்தன. தற்போது சப்வே உள்ளிட்ட பிரபல நிறுவனங்கள் இந்த பட்டியலில் இணைந்து உள்ளன.

இதையும் படிங்க:டீன் ஏஜ் குழந்தைகள் மிக ஆக்ரோஷமாக நடந்துகொள்வது ஏன்? பெற்றோர் அதை எப்படி கையாள வேண்டும்.!