மாதவிடாய் அல்லது கர்ப்பகால ரத்தப்போக்கு: அறிந்து கொள்ளுவது எப்படி?

பல பெண்கள் கர்ப்பகால ரத்தப்போக்கை, மாதவிடாயுடன் சேர்த்து குழப்பிக் கொள்கின்றனர்; இரண்டும் வேறு வேறானவை. இந்த வித்தியாசத்தை எப்படித் தெரிந்து கொள்வது, கேள்விக்கு விடை தருகிறார் ஹைதராபாத், கேர் மருத்துவமனையின் மருத்துவ இயக்குனர், மகளிர் நோய், மகப்பேரியல் மற்றும் லேப்ராஸ்கோபிக் அறுவை துறைத்தலைவர், பத்மஸ்ரீ விருது பெற்றவருமான மருத்துவர் மஞ்சுளா அனகனி M.D., FICOG.,

நீங்கள் ஒரு குழந்தைக்கு தாயாகப் போகும் ஆவலுடன், அதற்காக காத்திருக்கும் போது, திடீரென ரத்தக்கசிவு அல்லது ரத்தத்துளிகள் (spotting) ஏற்படுதை பார்த்தால் பயம் கொள்ள வேண்டாம். அது ஒரு நல்ல செய்திக்கான அறிகுறியாகவும் இருக்கலாம். கர்ப்பகாலத்தின் பொதுவான ஆரம்ப அறிகுறிகளில் ஒன்று ரத்தப்போக்கு. பெண்கள் பலரின் பெரும் எதிர்பார்ப்புகளில் ஒன்று எது கர்ப்பகால ரத்தப்போக்கு என்பதே!

இந்த ரத்தப்போக்கினை நான் எப்படி தெரிந்து கொள்வது, ரத்தப்போக்கின் போது எவ்வளவு ரத்தம் வெளியேறும், அதன் முதல் அறிகுறிகள் என்ன, இந்த ரத்தப்போக்கு எப்படி இருக்கும் என்ற பெண்களின் பல கேள்விகளுக்கு மருத்துவர் மஞ்சுளா விளக்கமளிக்கிறார். "கர்ப்பகால ரத்தப்போக்கு என்பது, கர்ப்பம் தரித்த 7 - 10 நாள்கள் கழித்து, சிறிய அளவில் ரத்தத்துளிகளோ அல்லது கசிவோ ஏற்படும்; இது மிகவும் சாதாரணமானது. கருவுற்ற முட்டை, கர்ப்பப்பையின் உட்சவ்வுகளுடன் இணையும் போது கர்ப்பகால ரத்தக்கசிவு ஏற்படுகிறது".

கருவுறும் அனைவருக்கும் இது பொதுவானதா?

ஆமாம், கர்ப்பகால ரத்தப்போக்கு கர்ப்பமுறும் அனைவருக்கும் பொதுவானது; கர்ப்பத்தின் மிக சாதாரண அறிகுறி இது. கர்ப்பிணிகளில் 1/3 பெண்கள் இந்த ரத்தப்போக்கை அனுபவிக்கிறார்கள். பல சந்தர்ப்பங்களில், இது கர்ப்பத்தின் ஆரம்பக்கால அறிகுறிகளில் ஒன்றாகவும் இருக்கிறது.

கர்ப்பகால ரத்தப்போக்கு எப்போது, எவ்வளவு காலம் நிகழ்கிறது?

இந்த ரத்தப்போக்கு பொதுவாக கருமுட்டை வெளியான 7 முதல் 10 நாள்கள் வரை நிகழ்கிறது. ரத்தத்துளிகள் சில மணி நேரங்கள் முதல் மூன்று நாட்களுக்கு நீடிக்கும்.

மாதவிடாய் - கர்ப்பகால ரத்தப்போக்கு வித்தியாசம் என்ன?

மாதவிடாய் மெதுவாகத் தொடங்கி, பின்னர் தீவிரமடையும்; ரத்தம் உறைதலுடன் தொடர்புடையாதாகவும் இருக்கலாம். இது நிகழும் போது ரத்தப்போக்கு 3 முதல் 7 நாட்கள் வரை நீடிக்கிறது. ரத்தம் பளிச் சிவப்பு நிறமாக இருக்கும். வலி தீவிரமாக இருக்கும்.

கர்ப்பகால ரத்தப்போக்கு மெதுவாகத் தொடங்குகிறது அதிகம் வலி இருக்காது. இந்த நிகழ்வின் போது வெளியேறும் ரத்தம் ஒரு பேட் அல்லது டம்பனை நிரப்பும் அளவிற்கு இருக்காது. ரத்தம் எப்போதவது சிவப்பாக இருக்கலாம், மற்ற படி வெளிர் இளம் சிவப்பு, அடர் அல்லது கருப்பாக ரத்தம் வரலாம். கர்ப்பகால ரத்தப்போக்கு அடிக்கடி வந்து போகலாம். சில மணி நேரங்கள் இருக்கலாம் அல்லது 1 முதல் மூன்று நாட்களுக்கு அவ்வப்போது ஏற்படலாம்.

இது எவ்வளவு காலம் நீடிக்கும்?

பொதுவாக கர்ப்பகால ரத்தப்போக்கு 1 முதல் 3 நாட்கள் வரை நீடிக்கும்.

இது இயற்கையான கருத்தரித்தல் மற்றும் செயற்கை கருவூட்டலிலும் நிகழுமா?

ஆம், இது இயற்கையாக கருத்தரித்தல் மற்றும் செயற்கை கருவூட்டல் இரண்டிலும் நிகழலாம். செயற்கை கருவூட்டலில் ஆய்வகத்தில் கரு உருவாகியதும், அது பெண்ணின் கர்ப்பப்பைக்கு மாற்றப்படுகிறது. கருமுட்டை கர்ப்பப்பையின் உட்சவ்வுகளுடன் இணைக்கப்படும் போது ரத்தக்கசிவு ஏற்படலாம்.

எப்போது மருத்துவ ஆலோசனை பெறலாம், என்ன அறிவுறுத்தப்படுகின்றது?

கர்ப்பம் தரித்திருப்பதாக நீங்கள் உணரும் போது, அதிகமான ரத்தப்போக்கு அல்லது உறைதலை உணர்ந்தால், அது சில நேரங்களில் சிக்கலாகவும் அல்லது ஆரம்பக்கட்ட கருசிதைவைக் குறிக்கலாம். அந்த சமயத்தில் நீங்கள் கட்டாயம் மருத்துவரின் ஆலோசனை பெற வேண்டும். நீங்கள் கர்ப்பமாக இருப்பதாக உணர முகாந்திரம் இல்லை என்றால், கவலையை விடுங்கள் இந்த வகை ரத்தக்கசிவு உங்கள் மாதவிடாயின் தொடக்கமாக இருக்கலாம்.

இதையும் படிங்க:பெண்ணுறுப்பு தளர்வை சரி செய்யும் இயற்கை வழிகள் இதோ!