இருக்கன்குடி மாரியம்மன் கோயில் உண்டியல் திறப்பு

விருதுநகர்: இருக்கன் குடி மாரியம்மன் கோயிலின் உண்டியலில் இருந்து காணிக்கை எண்ணும் பணி பரம்பரை அறங்காவலர்கள், வங்கி ஊழியர்கள் பார்வையின் கீழ் தொடங்கப்பட்டது.

விருதுநகர் மாவட்டம் சாத்தூர் அருகிலுள்ள இருக்கன்குடி மாரியம்மன் கோயில், தென் தமிழ்நாட்டில் பிரசித்திப் பெற்றதாகும். இந்தக் கோயிலின் உண்டியல் திறக்கப்பட்டபோது இதில் 33 லட்சத்து 22 ஆயிரத்து 211 ரூபாய், 131 கிராம் தங்கம், 496 கிராம் வௌ்ளி இருந்தன.

காணிக்கையை எண்ணும் பணியில் சாத்தூர், துலுக்கப்பட்டி ஆகிய ஊர்களைச் சேர்ந்த ஓம்சக்தி பக்தர் குழு, ஐயப்ப சேவா சங்கம், திருக்கோயில் பணியாளர்கள் ஆகியோர் ஈடுபட்டனர்.

விருதுநகர் கோயில்களின் உதவி ஆணையர் கணேசன், இருக்கன்குடி கோயில் ஆணையர் கருணாகரன், பரமக்குடி கோயில் உதவி ஆணையர் சிவலிங்கம் ஆகிய மூன்று பேர் தலைமையில் பரம்பரை அறங்காவலர்கள் ராமமூர்த்தி, செளந்திர ராஜன், ராஜேந்திரன், பூசாரிகள், ஆய்வாளர்கள், வங்கி ஊழியர்கள் உள்ளிட்டோர் காணிக்கை எண்ணும் பணியைப் பார்வையிட்டனர்.

இதையும் படிங்க... திருப்பரங்குன்றம் கோயிலுக்கு வந்து குவிந்த தங்கம்!