விருதுநகர் மாவட்டம் ஸ்ரீவில்லிபுத்தூர் மேட்டுத்தெரு பகுதியில் தெய்வானை என்ற 80 வயது மூதாட்டி தன் பிள்ளைகளால் கைவிடப்பட்ட நிலையில் தனியே வசித்துவருகிறார்.
இந்நிலையில், தனது வீட்டில் சமையல் வேலை செய்துவிட்டு தீயை அணைக்காமல் வீட்டைப் பூட்டிவிட்டு வெளியே சென்றுள்ளார். அப்போது எதிர்பாராதவிதமாக தீ பரவி வீடு முழுவதும் எரிந்து, அருகிலுள்ள வீட்டிலும் தீ பரவியது.
இந்நிலையில் தகவலறிந்து சம்பவ இடத்திற்கு வந்த ஸ்ரீவில்லிபுத்தூர் தீயணைப்புத் துறையினர், ஒரு மணி நேரம் போராடி அத்தீயை கட்டுக்குள் கொண்டுவந்தனர்.
மூதாட்டியின் வீடு எரிந்து நாசம்