திடீரென தீப்பிடித்த கார் - காவல்துறை விசாரணை!

ராஜபாளையம் அருகே தென்னந்தோப்பு  உரிமையாளரின் காருக்கு தீப்பிடித்து எரிந்தது குறித்து காவல்துறையினர் விசாரணை மேற்கொண்டு வருகின்றனர்.

தென்காசி மாவட்டம் சங்கரன்கோவில் தாலுகா குவளைக்கண்ணி பகுதியைச் சேர்ந்தவர் ரூபன். (42) இவர் ராஜபாளையம் மேற்கு தொடர்ச்சி மலை அடிவாரப் பகுதியில் அமைந்துள்ள சேத்தூர் ஆதிபுத்திர அய்யனார் கோயில் அருகே 10 ஏக்கரில் தென்னந்தோப்பு வாங்கி விவசாயம் செய்து வருகிறார்.

வழக்கம்போல் தோப்புக்கு வெளியே தனக்கு சொந்தமான காரை (சவர் லெட் பீட், TN 76 W1183 ) சாலை ஒரமாக நிறுத்திவிட்டு விவசாய பணிகளை மேற்கொண்டுள்ளார். அப்போது திடீரென காரின் பின்பகுதி தீ பற்றி எரிந்துள்ளது.

இதையடுத்து அங்கு சென்ற தீயணைப்பு துறையினர், தீயை அணைத்தனர். இதுதொடர்பாக காவல்துறையினர் விசாரணை நடத்தி வருகின்றனர்.