அமைச்சர் ராஜேந்திர பாலாஜியின் நண்பர் வீட்டில் வருமான வரித்துறையினர் சோதனை

விருதுநகர்: பால் வளத்துறை அமைச்சர் ராஜேந்திர பாலாஜியின் நெருங்கிய நண்பர் வீட்டில் வருமான வரித்துறையினர் சோதனை நடத்தினர்.

விருதுநகர் மாவட்டம், சிவகாசி அருகில் உள்ள திருத்தங்கல் பகுதியைச் சேர்ந்தவர், சீனிவாச பெருமாள். முன்னாள் அதிமுக கட்சி நகர்மன்ற உறுப்பினராக இருந்த இவர் கூட்டுறவு சங்கத்தலைவராக இருந்துவருகிறார்.

மேலும் தமிழ்நாடு பால் வளத்துறை அமைச்சர் ராஜேந்திர பாலாஜியின் நெருங்கிய நண்பர் ஆவார்.

இந்நிலையில், திருத்தங்கல்லில் சீனிவாச பெருமாளின் வீட்டில் வருமான வரித்துறையினர் சோதனை நடத்தினர். இது அப்பகுதியில் பெரும் சலசலப்பை ஏற்படுத்தியது.