விருதுநகர் ஸ்ரீவில்லிபுத்தூர் அருகே மதுரை- கொல்லம் தேசிய நெடுஞ்சாலையில், நேற்று நள்ளிரவில் ராஜபாளையத்திலிருந்து மதுரை நோக்கி சென்று கொண்டிருந்த லாரியும் விருதுநகரிலிருந்து ஸ்ரீவில்லிபுத்தூர் நோக்கி சென்று கொண்டிருந்த லாரியும் நேருக்கு நேர் மோதிக்கொண்டன. இந்த விபத்தில் ஓட்டுநர்கள் மகேந்திரமணி, கோபால் ஆகியோர் படுகாயமடைந்தனர். இதில் ஓட்டுநர் மகேந்திரமணி லாரியின் இடிபாடுகளிடையே சிக்கிக் கொண்டார்.
பின்னர், இதனைக்கண்ட பொதுமக்கள் நத்தம்பட்டி காவல் நிலையத்திற்க்கு தகவல் கொடுத்தனர். சம்பவ இடத்திற்குச் சென்ற காவல் துறையினர், அருகிலிருந்தவர்களின் உதவியுடன் கடப்பாறை, கம்பி போன்றவற்றைக்கொண்டு லாரியின் முகப்பை உடைத்து மகேந்திரமணியை மீட்டனர்.
லாரிகள் மோதிய விபத்து