காபி தூள் தயாரிப்பு நிறுவனத்தில் தீ விபத்து

விருதுநகர் அருகே திரவியநாதபுரத்தில் காபி தூள் தயாரிக்கும் நிறுவனத்தில் ஏற்பட்ட தீ விபத்தில் பல லட்சம் ரூபாய் மதிப்பிலான சிக்கரி காபி தூள் எரிந்து நாசமாகின.

விருதுநகர்:விருதுநகர் அருகே திரவியநாதபுரத்தில் அம்பிகா காபி தூள் தயாரிக்கும் நிறுவனம் இயங்கி வருகிறது. இங்கு ஒரு பகுதியில் சிக்கரி காபி தூள் தயாரிக்கப்படுகிறது. இப்பகுதியில் திடீரென இன்று அதிகாலை 4 மணி அளவில் தீ பற்றியுள்ளது.

தகவலறிந்த விருதுநகர் தீயணைப்பு துறையினர் விரைந்து சென்று தீயை அணைத்தனர் . இதில் பல லட்சம் ரூபாய் மதிப்பிலான சிக்கரி காபி தூள் எரிந்து நாசமாகின.

இது குறித்து விருதுநகர் ஊரக காவல் துறையினர் வழக்குப்பதிவு செய்து விசாரணை நடத்தி வருகின்றனர்.

இதையும் படிங்க:கரோனா நிவாரண நிதி கொடுக்க சென்ற பெண் - நெகிழ்ச்சியை ஏற்படுத்திய ஆட்சியர்