விருதுநகர் மாவட்டம் சிவகாசி அருகேவுள்ள சுக்கிரவாரபட்டி பகுதியில் ரவிச்சந்திரன் என்பவரது அட்டை மில் செயல்பட்டுவருகிறது. இங்கு வெளிநாடுகளிலிருந்து பழைய காகித பேப்பர்கள் பெறப்பட்டு தரம் பிரித்து, புதுப்பிக்கும் பணிகள் நடைபெறுவது வழக்கம்.
ஐந்துக்கும் மேற்பட்ட இயந்திரங்கள் மூலம் இந்தப் பணிகள் நடைபெற்றுவந்தது. இந்நிலையில், இன்று மாலை ஒரு இயந்திரத்தில் திடீரென தீவிபத்து ஏற்பட்டது. தொடர்ந்து எரிந்த தீ மளமளவென மில் முழுவதும் பரவியது. இந்தப் பயங்கர தீ விபத்தினால் பணி முடித்து தயார் நிலையில் வைக்கப்பட்டிருந்த பொருள்கள் அனைத்தும் தீயில் சேதமாகின. தீயை அணைக்க விருதுநகர், சிவகாசி, சாத்தூர், ஸ்ரீவில்லிபுத்தூர் உள்ளிட்ட தீயணைப்பு நிலையங்களிலிருந்து சுமார் பத்துக்கும் மேற்பட்ட தீயணைப்பு வாகனங்கள் வரவழைக்கப்பட்டன.
அட்டை மில்லில் தீ விபத்து