விக்கிரவாண்டி, நாங்குநேரி, புதுச்சேரி காமராஜ் நகர் தொகுதிகளுக்கான இடைத்தேர்தல் கடந்த 21ஆம் தேதி நடைபெற்றது.
விழுப்புரம் மாவட்டத்திற்கு உட்பட்ட விக்கிரவாண்டி தொகுதியில் 1 லட்சத்து 88 ஆயிரத்து 659 பேர் வாக்களித்து 84.41% வாக்குகள் பதிவானது. திருநெல்வேலி நாங்குநேரி தொகுதியில் 1 லட்சத்து 70 ஆயிரத்து 622 பேர் வாக்களித்து 66.35% வாக்குகள் பதிவானது.
இதையடுத்து இன்று அக்டோபர் 24ஆம் தேதி விக்கிரவாண்டி இடைதேர்தல் வாக்கு எண்ணிக்கை ஈ.எஸ்.பொறியியல் கல்லூரியிலும், நாங்குநேரி இடைதேர்தல் வாக்கு எண்ணிக்கை பாளையங்கோட்டை அரசு பொறியியல் கல்லூரியிலும் நடைபெறவுள்ளது.
காலை 8 மணிக்கு தொடங்கவுள்ள வாக்கு எண்ணிக்கை 14 மேசைகளில் 22 சுற்றுகளாக நடைபெறுகிறது. தபால் ஓட்டுகள் முதலில் எண்ணப்படும். தற்போது வாக்கு எண்ணிக்கை மையங்களில் நான்கு அடுக்கு பாதுகாப்பு போடப்பட்டுள்ளது.
இதையும் படிங்க: நாங்குநேரியில் காங்கிரஸ் 16000 வாக்கு வித்தியாசத்தில் வெற்றி பெறும் - வசந்தகுமாரின் கணக்கு