திண்டிவனம் பகுதிகளில் தொடர்ந்து இருசக்கர வாகனங்கள் திருடப்பட்டுவந்தன. இது குறித்து வாகன உரிமையாளர்கள் காவல் நிலையத்தில் புகார் அளித்தனர். புகாரின் அடிப்படையில் காவல் துணை கண்காணிப்பாளர் கணேசன் தலைமையில் தனிப்படை அமைத்து குற்றவாளிகளைக் காவலர்கள் தேடிவந்தனர்.
இந்நிலையில் நேற்று (டிச. 30) செஞ்சி பேருந்து நிறுத்தத்தில் சந்தேகத்திற்கிடமாக இருசக்கர வாகனத்தில் வந்த இரண்டு பேரை காவல் துறையினர் நிறுத்தினர். அப்போது இருசக்கர வாகனத்தை போட்டுவிட்டு தப்பி ஓட முயன்றவர்களைச் சுற்றிவளைத்த இருவரையும் பிடித்து காவல் நிலையம் அழைத்துவந்து விசாரணை செய்தனர்.