விழுப்புரம் மாவட்டம் திண்டிவனத்தில் அமைந்துள்ளது தனியார் தங்கும் விடுதி. இங்கு கவரை கிராமத்தைச் சேர்ந்த 35 வயதுள்ள விஜயபாஸ்கர் கடந்த 19ஆம் தேதியன்று 305ஆவது எண் கொண்ட அறையை வாடகைக்கு எடுத்து தங்கி வந்துள்ளார். இந்நிலையில் அவர் நேற்றையிலிருந்து வெளியே வராததால் விடுதியின் மேலாளர் பாலசுப்பிரமணி என்பவர் விஜயபாஸ்கர் தங்கியிருந்த அறையை தட்டிப்பார்த்துள்ளார். ஆனால், வெகுநேரம் தட்டியும் கதவு திறக்கப்படவில்லை.
தனியார் விடுதியில் தற்கொலை செய்துகொண்ட விஜயபாஸ்கர்
இந்நிலையில், ஜன்னல் வழியாக பார்த்தபோது விஜயபாஸ்கர் மின்விசிறியில் தூக்கில் தொங்கிய நிலையில் இருந்துள்ளார். உடனே விடுதி மேலாளர் திண்டிவனம் காவல்நிலையத்திற்கு தகவல் கொடுத்தார். பின்னர்,சம்பவ இடத்திற்கு விரைந்து வந்த காவல் துறையினர் உடலை மீட்டு உடற்கூறாய்வுக்காக முண்டியம்பாக்கம் அரசு மருத்துவக்கல்லூரி மருத்துவமனைக்கு அனுப்பி வைத்தனர்.