‘சர்ச்சை பேச்சை சீமான் திரும்பப் பெறவேண்டும்’ - அமைச்சர் கே. பாண்டியராஜன்

விழுப்புரம்: விக்கிரவாண்டி தொகுதி பரப்புரையில் ராஜீவ் காந்தி பற்றி சர்ச்சைக்குரிய வகையில் பேசிய சீமான், அவர் பேசியதைத் திரும்பப்பெற வேண்டுமென தமிழ் வளர்ச்சி, தொல்வியல் துறை அமைச்சர் கே. பாண்டியராஜன் வலியுறுத்தியுள்ளார்.

விக்கிரவாண்டி இடைத்தேர்தலில் அதிமுக சார்பில் போட்டியிடும் வேட்பாளர் முத்தமிழ்செல்வனுக்கு ஆதரவாக நேற்று, தீவிர வாக்கு சேகரிப்பில் தமிழ் வளர்ச்சி, தொல்வியல் துறை அமைச்சர் கே. பாண்டியராஜன் ஈடுபட்டார்.

பின்னர் செய்தியாளர்களைச் சந்தித்த அவர், ‘ராஜீவ்காந்தி படுகொலை தொடர்பாக விக்கிரவாண்டி தொகுதியில் சீமான் பேசிய சர்ச்சைக்குறிய கருத்துக்கு சட்டம் தன் கடைமையை செய்யும் என முதலமைச்சரே சொல்லி இருக்கிறார். சீமான் அவ்வாறு பேசியது தவறானது, எனவே அதை அவர் திரும்பப் பெறவேண்டும்.

திராவிடத்தை எதிர்க்கிறேன் என்ற பெயரில் அவர் தமிழ்நாட்டிலுள்ள தெலுங்கர், கன்னடர்களை எதிர்ப்பது சரியில்லை' என்றார்.

மேலும், தமிழ்நாடு முதலமைச்சர் தன் பதவியை ராஜினாமா செய்துவிட்டு மீண்டும் தேர்தலை சந்திக்க தாயாரா என ஸ்டாலின் விடுத்த சவால் தொடர்பான கேள்விக்கு, ஸ்டாலின் நிதானத்தை இழந்து பேசுவதாகக் கூறினார்.

இதையும் படிங்க: சீமான் மீது தேசிய பாதுகாப்பு சட்டத்தின் கீழ் நடவடிக்கை எடுக்க வேண்டும்