விழுப்புரத்தை அடுத்த பாணாம்பட்டு பகுதியை சேர்ந்தவர் ராஜ்குமார் (34). விவசாயக் கூலித்தொழிலாளரான இவர், சிறு வயதிலிருந்தே நடிகர் ரஜினிகாந்த் மீது அதீத ஆர்வம் கொண்ட ரசிகராய் இருந்துள்ளார். அரசியல் கட்சி துவங்கப் போவதில்லை என்று நேற்று முன்நாள் ரஜினிகாந்த் அறிவித்ததை அடுத்து, ராஜ்குமார் கடும் மன உளைச்சலுடன் இருந்ததாகக் கூறப்படுகிறது.
இந்நிலையில், ராஜ்குமார் நேற்று மாலை தனது முகநூல் பக்கத்தில், ’ரஜினிதான் என் வாழ்க்கை.. இதுவே எனது கடைசி பதிவு’ என்று பதிவிட்டு, நண்பர்களுடன் சேர்ந்து மது அருந்தி புலம்பியுள்ளார். பின்னர் இரவு தூங்கச்சென்ற அவர் காலை படுக்கையிலேயே உயிரற்று கிடந்ததை பார்த்து அவரது மனைவி அலறித் துடித்துள்ளார். ஆனால், ராஜ்குமார் எவ்வாறு இறந்தார் என்பது குறித்து அவரது குடும்பத்தினருக்கே தெரியவில்லை.
கட்சி தொடங்காத ரஜினி! உயிரை விட்ட ரசிகர்! நடுத்தெருவில் குடும்பம்!